Latest News

Supplementary Nutrition Programme kalpui mek

Serchhip ICDS Project hnuaiah Supplementary Nutrition Programme chu kalpui mek a ni. ICDS Project hnuaiah Supplementary Nutrition Programme-ah hian Anganwadi Centre 100-ah ei tur tha item 15 sem thin niin Fortified Rice leh Wheat pawh sem thin a ni a. Nausen atanga naupang kum 6 ten hriselna tha an neih theih nan POSHAN Abhiyaan tha taka kalpui a nih bakah Nutri Garden pawh Anganwadi Centre 100-ah kalpui a ni a, heng huan-a an tharchhuah thlai te hi beneficiary te hnenah sem thin a ni.

Zofest-ah MZP President in thu sawi

MZP General Hqrs. President, L. Ramdin-liana Renthlei chuan Zohnahthlak hmun hrang hranga chengte chu an \awng\ai chhanna an nih thu a sawi.
Nimin a Reiek-a Zofest-ah he thu hi sawiin MZP President chuan kan ram, Mizoram humhalh duh avangin MZP chuan hma an lo la \hin tih sawiin, “Zophai-a kan chawlhbuk sak chu \hiah sak kan nih \um kha, MZP member te silaia kah leh vuak kan ni. Khatih hun lai khan MZP chuan chhantu ngaiin a \ap a, sawrkar kan au a, chhanna kan hmuh tak lohah chuan Pathian tal kan au ei tur a ni tiin kan \awn\tai ta a, chu kan \awngtai chhanna chu vawiina hmun hrang hrang a\anga Zohnahthlak lo kalkhawm Zofest hmangtute hi in ni. Kan thisen zawmpui Pathian min pekte in ni a, in chungah MZP a lawm tak meuh meuh a, min thlawpna thu in chhuahte hi kan la theihnghilh lo a ni,” a ti bawk.
MZP President chuan, “Zophai chung-chang ah MZP kan \ap a, sawrkar kan auh eih theihloh laia kan tana auchhuaktu te, puih leh \anpui kan ngaih hunlai leh kan \ah hunlaia kan tana awmchhunte in ni. MZP thlavang hauhtute MZP chuan a theihnghilh ngai dawn lo che u a, in mangan hun apiangah MZP hi in tan kan awm dawn a, in hmaah in tan kan ding tlat zel dawn a ni,” a ti bawk.

Comments

Popular News (Last 30 Days)