Serchhip District-a Assembly inthlanpui chuh turin mi 19 ten Nomination Paper an thehlut

Mizoram Assembly inthlanpui chuh tumte tana hming pekluh hun nimin a khar takah Serchhip District-a Assembly bial 3 chuh turin mi 19 in hming an pelut a. Nimin bikah mi 3 in Nomination Paper an thehlut a ni.
Nimin a Mizoram Assembly inthlanpui neih tura hming pekluh hun tawp thleng khan Serchhip District chhunga Assembly bial 3 chuh turin mi 19 ten an hming an pelut a, heng hming pelut te hi 26-Serchhip AC (ST)-ah INC a\angin bialtu MLA nilai Lal Thanhawla, MNF a\angin C. Lalramzauva, BJP a\angin Lalchunglura, PRISM a\angin Vanlalruata, ZPM a\angin Lalduhoma, NPP a\angin Kapliana Pachuau, Zoramthar a\angin Rev. Dr. Zaichhawna Hlawndo te an ni a. 27-Tuikum (ST) AC chuh turin mi 6- INC a\angin Sangzela Tlau, MNF a\angin bialtu MLA nilai Er. Lalrinawma, BJP a\angin Lalnunmawia Chhakchhuak, PRISM Party a\angin RC. Rohmingthanga, ZPM a\angin PC. Vanlalruata leh Zoramthar a\angin Lalruatfeli Hlawndo ten an hming an pelut a. 28-Hrangturzo (ST) AC chuh turin mi 7 ten hming pelutin heng mite hi INC a\angin bialtu MLA nilai, Vanlalawmpuii Chawngthu, MNF a\angin Lalchamliana, BJP a\angin K. Sangzuala, PRISM Party a\angin RL. Liantluanga, ZPM a\angin Lalthansanga leh Zoramthar a\angin Lalawmpuia Renthlei te an ni a. Serchhip District chhunga Assembly bial pathum-ah hian Indian National Congress, MNF, PRISM Party, BJP, ZPM leh Zoramthar te chuan Candidate dah kim vekin NPP chuan Serchhip bial-ah Candidate an dah bawk a ni.
Nimin a Nomination File Ni hnuhnung berah khan Serchhip Assembly bial chuh turin BJP a\angin C. Lalchunglura chuan Nomination a file a, Nomination a file hnua TT Vision palai in a kawmna ah Serchhip chu District a nihna anga hma a sawn theihna tura theihtawp chhuaha hmalak a tum thu a sawi bawk.
Nimin vek khan 27-Tuikum (ST) AC chuh turin Congress a\angin Sangzela Tlau leh BJP a\angin Lalnunmawia Chhakchhuak te chuan he inthlanna a Returning Officer tur, V. Lalduhzuala hnenah Nomination an thehlut a, 28-Hrangturzo (ST) AC-ah chuan nimin khan Nomination File an awm tawhlo thung.
Hriat theih chinah Assembly bial pathum (3) awmna Mamit District-ah inthlanna chuh tura hming pelut mi 23 an awm a. Assembly bial pathum (3) bawk awmna Kolasib District-ah candidate tura hming pelut 18 an awm a. Champhai District-a Assembly bial panga (5) chuh turin mi 26 ten an hming an pelut a,  Lunglei District chhunga Assembly bial 7 chuh turin mi 29 te an Nomination Paper an thehlut a. Assembly bial pathum (3) awmna Lawngtlai District-a inthlanna chuh turin mi 14 ten Nomination Paper thehlutin Assembly bial pahnih awmna Siaha District-a inthlanna chuh turin mi 8 ten Nomination an File a, Aizawl District hriat kim khat niin Bial 14-ah Nomination thehlut mi 75 vel awmin bial pakhat la finfiah chiahloh a awm a, a vaiin bial 40-ah Nomination thehlut mi 212 vel an awm niin a lang.

Popular posts from this blog

PAN CARD an tih teh fo hi - Laldinpuia