MNF in sum awmna sawifiah an phut

MNF Party chuan Congress sawrkar, Law & Judicial Department-a sum cheng vbc. tel tihbo leh a awmna chin hriatloh chu tun inthlan hma ngeiin Mizoram mipui min hrilh turin sawrkar an phut tih an sawi.

Nimin khan MNF Legal Board Secretary, Lalremtluanga chuan Aizawl Press Club-ah thuthar thehdarhtute kawmin Mizoram sawrkar chuan mipui bum nan ‘The Mizoram Lokayukta Act 2014’ tiin a hming maiin Lokayukta a din ve a, Law Department hnuaiah kum 2016-17, 2017-18 leh 2018-19 Financial Year khan Budget Estimates-ah cheng nuai 159.34 \heuh, a vaiin cheng nuai 478.02 dah a ni tih a sawi a. Mizoram Sawrkarin Lokayukta-a thawktu tur Peon pakhat pawh a la lak hmaa cheng nuai 478.02 lai mai Budget-a a dah chu a changtu Law & Finance Minister in a fanghmano ei nge tih leh khawi atan nge an hman tih hi tun Inthlan hma ngeia Mizo mipuite hnena hrilhfiah ngei turin an phut tih sawiin, a hrulhfiah theilo a nih chuan a Bawm khar turin an ngen nghal bawk tih a sawi a. MNF Sawrkar a nih chuan mipui sum ti chingpentute tan hmun awm lohna Sawrkar siam an tum thu a sawi a, chutiang eiruk hmangte eiruk tur veng a, lo eirute man chhuak a hremtu tur Lokayukta tak takah an siam dawn tih a sawi bawk.