Serchhip-ah a vawikhatna atan ‘World Toilet Day’ hman a ni

Nimin khan Serchhip-a a vawikhatna atan ‘World Toilet Day’ hman a ni a, hemi rual hian Serchhip District chhunga Swachhagrahi (Village Sanitation Surveyor/Door to Door Campaigner) te tana training neih nghal a ni.
Serchhip-a PHE Department leh Swachh Bharat Mission (Gramin) Serchhip District huaihawta New Serchhip YMA Hall-a ‘World Toilet Day’ hman hi Lalnunthara, JE PHE Department chuan kaihruaiin inlawmna thu sawiin, he Ni hman a nih chhan leh a pawimawhna te a sawi a, PHE Serchhip WATSAN Division-a Sr. Executive Engineer, Er. F. Lalsanglura chuan World Toilet Day chu kum 2013 a\anga hman \an anih thu leh mihring hriselna atana êk In pawimawhzia inhrilhhriatna hun atan hman \hin anih thu a sawi a. Mipuite chu inthiarna \ha an neih theihna tura Ek In \ha taka sa tura an zirtir hnuah tunah chuan Serchhip District chu pawnler-a inthiar awmlohna, Open Defecation Free a nih tawh thu sawiin, hetiang dinhmuna ding kan nih tawh avangin hetiang Ni hman chu thil inhmeh tak a nih thu a sawi.
Hei bakah hian Er. F. Lalsanglura chuan Ek In \ha hman hian naupang kum 5 hnuailam thihna tam tak pumpelh theih a nih thu sawiin, inthiarna nei \halote hian anmahni mai bakah midangte tan harsatna an thlen \hin tih kan hriat reng a pawimawh thu a sawi a. Hei vang hian India sawkar pawhin Oct. 2, 2019-ah chuan ramchhungah pawnler-a inthiar awmlohna kan nih theih nan hmalak mek a nih tawh thu leh hemi kawngah hian Mizoram-ah pawh nasa taka hmalak a nih thu sawiin, Serchhip District chu ODF a nih tawh avangin he nihna hi chhawm nung zel turin VC leh khawtlang hruaitute leh Department-a thawk te chuan hma an lak tlan chhoh zel a ngai dawn tih a sawi bawk.
Hemi hnu hian Serchhip District chhung thingtlang khaw hrang hranga faina kawnga hma laa mipuite zirtirtu tura ruat, Swachhagrahi te tan an hnathawh dan tur zirhona neih zui leh nghal a ni a, he hunah hian Samuel Lallawmzuala, District Coordinator, SBM (G) chuan zirtirna pein zawhna leh chhanna hun hman zui a ni a, Swachhagrahi te hnenah hian ID leh Certificate sem nghal \heuh an ni bawk. Nimin a he hun hmanna ah hian PHE Department-a thawk te leh Swachhagrahi tura ruat te bakah tualchhung thuthar thehdarhtute an tel a ni.

Popular posts from this blog

PAN CARD an tih teh fo hi - Laldinpuia