MSU in kumin atan Aizawl-a an Pisa an khar

Mizo Students’ Union (MSU) General Hqrs. chuan nimin khan Aizawl-a MSU Pisa pui kharna hun an hmang a, kumthar January 22-ah an hawng leh ang.

Nimin a MSU Pisa Pui kharna hun hi an pawl Treasurer, B. Lalkhawngaihzuala chuan kaihruaiin he hun hmanpuitu MUP President, RK. Thanga chuan Mizo zirlaite chu MPSC-ah chauh lungleng tawh lova, UPSC lamah rilru nasa zawka pe turin a chah a. Central Service-a kan luh tam theih nan Mizo \awng chu 8th Schedule-a dah luh a \ul hle tih a sawi bawk. Central YMA Asst. Secretary, Peter Chhakchhuak pawhin NGO Coordination nghet tak avanga Mizoram-ah inlungrualna leh Zofate inpawhna \ha zawk hmuh theiha a awm chu lawmawm a tih thu a sawi a. Zirlaite kalkhawmte chu Ram tan \an la turin a chah bawk.

MSU Adviser, K. Biakthianghlima pawhin he hunah hian thu sawiin \awng hman dik a pawimawh thu a sawi a, Mizo tlangval te kan nula te laka thikthu chhiat a pawimawh thu sawiin, Hnamdang pasal leh ngaihzawng neite diriam lovin hnamdang Mizo nula ngaizawngtute kan nek nat a \ul thu a sawi a. MSU Vice President, J. Lalmuanzuala chuan 2019 School Session thara hman turin School timing tihdanglam chu a hma anga kalpui leh a nih theih MSU chuan nan a nawr dawn tih a sawi bawk.