Aizawl-ah Hnam Hnatlang pui neih a ni

NGO Co-Ordination Committee huaihawta Hnam Hnatlang pui ber chu nimin khan Aizawl Treasury Square-a Chief Electoral Officer pisa tual, Raj Bhavan bulah hman a ni.
Aizawl-a Mizo Hnam Hnatlang-ah hian nimin zing dar 8:00 a\angin mipui kalkhawm \anin mipui tam tak an pungkhawm a, Treasury hmar lamah Psot Office leh Raj Bhavan chhim lam leh Tennis Court kawng chuanhnuai thlengin kawng dungah mipui an pungkhawm a ni.
Hnam Hnatlang inkhawm hi chawhma dar 10:00-ah \an niin inkhawm hi Central YMA Vice President, R Lalngheta chuan a kaihruai a, Central YMA General Secretary Lalhmachhuana chuan Bru te anmahni Camp-a vote an thlak lohna tura Election Commission of India an thlen dan leh helai Mizoram sawrkar hnuaia Chief Election Officer (CEO) hnenah pawh an thlen \hin thu sawiin, Mizo mipui zawng zawng duh dana an thlenna ngaipawimawh lovin Bru, kan ram tibuaitu mi tlemte zawk ngenna chu hun reilote chhunga tih hlawhtlin sak anih \hin dante a sawifiah bawk.
Central YMA President Vanlaruata chuan Hnam inlungrualna \ha tak mipui ten kan duhzia lantira kan pungkhawm chu lawmawm a tih thu sawiin, Tuikuk te chungchangah phur thuta thil ti an nih loh thu sawiin, “Kum tam tak NGO ten kan lo buaipui tawh a, Delhi-ah te kan kal a, Meeting hrang hrangah kan kal tawh \hin a, anni chungchang chingfel tur hian theihtawp kan chhuah tawh a ni. A buathlak em em chu eng ang pawhin ruahmanna awm \hin mah sela, felfai takin duang \hin mah ila Tuikuk ten an zawm loh chuan engahmah an ngai chuang lova, dan hnuaiah kan Officer pakhatin hma ala a, tute emaw in an ngaitheih loh avangin rang vat maia action an lak theih laiin, keini dil vena te chuan hun a duhrei em em a, sawrkar laipui khuan Mizote hi khawdang sial hmuh hian min hmu ta ami tih chu a zawhna a ni, a ti.
Central YMA President chuan NGO ten an phut anga CEO hi a chhuaha Tuikuk ten anmahni vote an neihna hmun ngeia vote an thlak theihna tura an hmalakna chu tha thlah lova a tawp thlenga beih zel an tum thu sawiin, ‘|anrual hi chakna a ni’ tih chu vawng reng turin a chah bawk.
He hunah hian Mizoram Upa Pawl President, RK. Thanga chuan he thil thleng avang hian kan \halaite \hangharh tura sawmin, Central Service-ah leh hna dangah kan \hlaite inziak tlinga \anla a he thil thleng hi \hanharhna leh inlungrualna atana hmang turin a sawm a. Anni bakah hian MHIP President Saipuii, MZP President L. Ramdinliana Renthlei, MSU President Vanlalliana te pawhin thu sawiin he hunah hian mi sing chuang an tel a ni.

Popular posts from this blog

PAN CARD an tih teh fo hi - Laldinpuia