Party ten hnehna chan beisei

Mizoram Assembly inthlanpui-a nimin a vote thlak takah party hrang hrang hotuten hnehna chan ngei an inrin thu an sawi.
Chief Minister nilai leh MPCC President, Lal Thanhawla’n Congress party in seat 27 aia tlem lo an la dawn niin a sawi a, Chakma tamna bialah Congress in hnehna a chang leh dawn nia sawiin, Tuikuk tamna bialah chuan BJP-in nasa taka sum a chelek avangin tling thei tur a hriat loh niin a sawi. Lal Thanhawla hian nimin chawhma dar 11:30 vel khan Zarkawt Polling Station II-ah vote a thlak a ni.
MNF President, Zoramthanga pawhin bial 25 chuang an lak tur thu a sawi ve thung a, tun \um inthlan chu a danglam hle nia sawiin, thla hnih thum chhungin MNF boruak a rawn sang thut tih sawiin, tun \umah hian vote thlakna hmanrua EVM chu a rintawk thu leh VVPAT a awm avangin rintlaka ngaih a ni a, rig theih a ni lo a ni, a ti bawk. Zoramthanga hian Ramhlun Venglai-a Govt. Primary School-a Polling Station-ah nimin zing dar 7:00 hnu hret-ah vote a thlak a ni.
ZPM Leader, Chief Minister candidate nibawk, Lalduhoma chuan nimin zing dar 7:30 khan Aizawl Chawlhhmun Veng-ah vote a thlak a, hemi hnua zawhna chhangin Lalduhoma chuan sawrkar an siam ngei dawn nia sawiin, seat 24 emaw 25 emaw vel an lak theih a beisei tih a sawi a. ZPM chu Policy an neih \hat vang tling tura a beisei thu sawiin, mipui ten sawrkar \ha neih an duh tawh avangin chumi tihlawhtling thei tura rinkai ber ZPM chu a sawrkar dawn niin a sawi bawk.

Popular posts from this blog

PAN CARD an tih teh fo hi - Laldinpuia