Mizoram-ah HIV hrik pai hmuhchhuah tam tawh

Kum 1990 October thla a\anga kumin September thla thleng khan Mizoram-ah HIV hrik pai hmuhchhuah mi 18,278 awm tawhin HIV/AIDS vanga thi mi 2,149 an awm tawh a, HIV hrik kai chhan zingah mipat hmeichhiatna hman khawloh a\anga kai an tam ber a ni.
Mizoram-ah hian kum 1990 October thla khan HIV hrik pai hi hmuhchhuah \an niin hemi a\anga Mizoram State AIDS Control Society (MSACS) ten an chhinchhiah danin kumin September thla thleng khan mi 7,07,795 te thisen enfiah ni tawhin chung zinga mi 18,278 chu HIV positive an ni tih hmuhchhuah a ni a. Mi náwlpui (General client) bikah thisen endik zat mi 4,72,159 awmin chung zinga mi 16,636 chu HIV hrik pai an ni a; nu nau pai (ANC)-te a bik taka kum 2005 a\anga endik an nih a\angin mi 2,35,636 endik tawh niin an zinga mi 1,642 chu HIV hrik pai an ni tih hmuhchhuah a ni tawh bawk a. Kumin September thla thleng khan Mizoram-ah HIV/AIDS vanga nunna chan mi 2,149 an awm tawh a, an zinga 1,299 chu mipa niin hmeichhia 804 an awm a, naupang 46 an awm bawk.
General client zingah mipat hmeichhiatna hman (heterosexual) a\anga HIV hrik kai tam berin mipa 6,388 leh hmeichhia 4,704, an vaiin mi 11,092-in an kai a, HIV Positive zawng zawng a\angin 66.67% a tling. a Kai chhan tam ber dawttu chu inchiuna atana hriau thianghlim lo hman (infected) niin mi 4,356 (27,43%)-in HIV hrik an kai phah a; mipa anpui kawp vanga HIV hrik kai mi 157 (0.94%) an awm a. Nu a\anga a naupai-a kai mi 515 an awm bakah kai chhan hriat loh mi 309 an awm bawk.

Popular posts from this blog

PAN CARD an tih teh fo hi - Laldinpuia