Police te hnathawh tur inhrilhfiahna neih leh a ni

Assembly inthlanpuia Serchhip District chhunga venhimna hna thawktu tur Police te tan nimin khan an hnathawh tur inhrilhhriatna leh infuihna hun hman a ni.

Naktuk-a Assembly inthlanpui neih tura Serchhip District chhunga venhimna hna thawktu tur Police te hnathawh dan tur inhrilh-hriatna hi nimin chawhma lam khan Serchhip P&E Veng YMA Hall-ah neih a ni a, he hun hi Serchhip SP, R. Sathiyasundaram chuan kai-hruaiin he hun hi Assembly inthlanpuia Serchhip District-a Police Observer, Nawal Kishore Singh chuan hmanpuiin inthlanna felfai leh thianghlim a awm theihna tura theihtawp chhuah turin Police kalkhawmte chu a chah a. Tun thlengin Assembly inthlanpui neih tura inbuatsaihna chu a \ha nia a hriat thu sawiin, District dang leh State dang te pawhin an entawn tlak ni tura theihtawp chhuah tur leh chutiang chu hmuh a beisei thu a sawi bawk.

He hunah hian Aizawl a\anga rawn kal DIG (Training), Joseph Lalchhuana Ralte chuan inthlanpui neih chhunga Police te hriattur pawi-mawh hrang hrangte sawiin, Police te chu venhimna hna thawk tur an nih avangin chu chu ngai pawi-mawh ber turin a chah a. Inthlanna bungrua leh thil pawimawh dangte buaipuitu tur ruat an nih avangin mipui ten him taka Vote an thlak theihna tura venhimna hna chu an hna pawimawh ber a ni tih hre reng turin a chah bawk. He hunah hian Assembly inthlanpui neiha Polling Party-a tel tur Police te telin hemi hnu hian an hmanraw mamawh tur ang te pawh semchhuah nghal a ni bawk.