CM in hmalak dan tur enkual

Aizawl khawpui Traffic jam tiziaawm tura hmalak dan tur ngaihtuahin nimin zing khan Chief Minister, Zoramthanga chuan Vaivakawn leh Bawngkawn junction a enfiah.

Nimin zing-a heng hmun pahnih a tlawhna ah hian Chief Minister, Zoramthanga chuan Aizawl khawpui traffic tawt lutuk chu khawpui-a chengte tan leh Zoram mipui dang Aizawl a lo kalte tan harsatna lian a tlin avangin kawng chunga lirthei tlan theihna tur, Flyover siam tum a nih thu a sawi a. Vaiva-kawn leh Bangkawn chu Motor tan khawmna hmun lian a nih avangin en hmasak a nih thu leh a tahtawl a hmalak zel a nih tur thu a sawi bawk.

Nimin zinga heng hmun pahnih an tlawhna ah hian Delhi a\anga NPEC Consultancy Ltd. a\anga mithiam te nen survey hi an neih ho a ni a, anni hian a taka hmalak dan tur ruahmanna an siam dawn a ni. He hunah hian Chief Minister hi Rural Development Minister, Lalruatkima bakah AMC Mayor, PC. Lalhmingthanga leh AMC leh Local Council hruaitute leh PWD leh UD&PA department hotulu ten an \awi-awm bawk a ni.

Hemi hma niminpiah khan Chief Minister, Zoramthanga hian Khamrang dunga National Highway 54 siam\hat tur chu PWD hotute nen a hmunah an enfiah tawh bawk a, he hunah hian Chief Minister chuan Aizawl leh Silchar inkar kawngpui siam\hat tur chu a rang thei ang bera thawh a duh thu sawiin, a \hen lai chu cement concrete a siam a nih tur thu an sawi bawk. Chief Minister hian Social Welfare Department enkawl Se\hawn-a Care Centre chu a tlawh bawk a, ruihhlo ngaite enkawlna hmun siam belh theih dan tur a en bakah Horticulture Department Farm, Thingdawl ami chu a tlawh nghal bawk. He  hunah hian Chief Minister hi sawrkar hotu pawimawh ten an \awi-awm a ni.