Mizoram Police ten thu thehdarh hrang hranga fimkhur turin mipuite an ngen

Mizoram Police te chuan Mizoram mipuite chu an thu thehdarh ah fimkhur tura chahin, inthlanpui muanawm kan neih theih nan \anrual \ul an tih thu an sawi.
Nimin a Mizoram Police in thuchhuah siama an tarlan danin tunlai boruak leh dinhmun thlirin Mizoram mipui ten harhfim taka Dan anga engkim kan tiha kan kalpui angai a ni tih hriat thar a \ul thu an sawi a. Kan ram tana \halo tur emaw, Sawrkar leh mipuite hmingchhiat theihna kawng hrang hrangah fimkhur tlang tura ngenin, bikin chi leh chi inkara inhmuh thiamlohna thlen thei leh tharum thawhna lam hawi thu leh hla te Social Media kaltlanga vawrh darhloh hram tum \heuh tur leh thu dik leh diklo pawh chian hmasa lova hnam leh hnam inkara in hmuhmawhna thlen thei thu leh hla tumahin vawrhdarh lo turin an ngen nawn leh bawk.
Mizoram Police te chuan kan rama hnam hrang hrang chengte Mizo, Vai, Bru, Chakma, etc khua leh tui diktak te chu thlamuang taka kan khawsakho dial dial theih nan tumahin harsatna siamlo tur leh a hnua kan inchhir lehna tur a hma la lo tura rilru fim tak pu vek turin an ngen a, “Hnam hrang hrangte India khua leh tui dik tak te chu thlamuang taka kan chen za ho theih nan leh kan hma lawka Inthlanpui hlawhtling tak kan neih theih nan te kan \anrual \hap angai a ni,” tiin hemi kawng a hma la \heuh turin Mizoram Police chuan mitin te an ngen bawk.

Popular posts from this blog

PAN CARD an tih teh fo hi - Laldinpuia