Heroin vangin kum 18 chhung tang turin rel sak

Nikum June 18-a Mizoram Police-ten Cham-phai Khankawn Check Gate-a an man Heroin Hawng 34 chungchangah nimin khan Champhai Special Court chuan thutlukna siamin Special Court Judge, R. Vanlalena chuan Heroin neitu a puh Rolian\huama S/o Rokhuma, Seling khua nia inchhal chu kum 18 chhung hrehawm taka Lung In tang tur leh Rs. 90,000/- chawi turin a chungthu a rel sak.

Nikum June 2017 khan Ro-lian\huama (45) leh Gindeihpianga (30) S/o Dopuia, Bukphir Myanmar khua ni a insawite chuan Maruti Gypsy (MZ-01-A-2884) hmangin Bukphir, Myanmar a\angin Heroin gram 544 (Hawng 34) chu Aizawl panin an phur a. Champhai Khankawn Police Check Gate a duty-te chuan rinhleh thil a an enfiahna lamah, he lirthei Seat hnung dinglam chhuat verh pawh kar a\angin Heroin Hawng 34 (Gram 544) an man a. He ruihhlo hlut zawng hi tualchhung hralhna a chhutin Rs 17,00,000/- hu vel a ni.

Rolian\huama sawi danin amah an man hma chiah (June 17) khan Bukphir khua awm Kapthangmawia chuan a Maruti Gypsy chu Aizawl-ah Rs.10,000/- hlawh a khalh thlaksak turin a sawm a. A \hianpa Gindeihpianga nen Motor hmang hian an kal ta a.  Rolian\huama leh a \hianpa hian he Heroin hi motor-ah a awm an hriat loh thu leh motor neitu in man neia motor chu khalh thlaksak mai tura a sawm anga kal an nih thu leh Heroin chungchangah engmah inhnam-hnawihna an neih loh thu an sawi thung a ni.

He thubuai ngaihtuah chhung hian thu hretu mi 4 koh niin Court-chuan Rolian\huama chu hrehawm taka kum 18 chhung Jail tang tur leh Rs. 90,000/- chawi tura a chungthu relin Gindeihpianga erawh he thubuai-ah hian a inhnam-hnawihna hmuh anih ve loh avangin a chhuah zalen  thung a ni.