Congress Chhung Inkhawm

Congress Party chuan nimin khan Serchhip-ah Chhung Inkhawm neiin he hunah hian MPCC President leh Serchhip bial-a an Candidate tur, Lal Thanhawla chuan thu a sawi.

Congress Party Chhung Inkhawm New Serchhip YMA Hall-a neih ah hian MPCC President, Lal Thanhawla chuan kum 1984 a\anga tun thleng hian contractor a hnena sum pe an awm lo tih a sawi a. MLA niha Minister hial te niha Chief Minister hial nih chu chapopui a awl avangin a nu, a nupui leh a faten \awng\ai leh \awngkam te-a an ven reng thu sawiin, hausak a tum ngailoh thu a sawi a. R. Lalzirliana pawh hmana mi tlawm tak leh fel tak ni \hin kha a lo ropuiin a lo hausa deuha a inveng zo ta lo nia a hriat thu sawiin, “Pu Zira leh Pu Lalrinliana te Congress a\anga chhuak chu Congress Party in a chhiatpui lova, inthian thianghlimin kan phur phah mah zawk a ni,” a ti a. Party-a rinawm chu malsawm na a nih thu a ex-perience a\angin a sawi bawk.

Kum 2013 inthlan a\ang tawh khan MP Rajya Sabha ni-a chawlh a dil thu leh party in a phalloh avanga tunah pawh la ding a nih thu sawiin Lal Thanhawla chuan, bial hnih a kawp tawh Zawlnuam, Hnahthial leh Hrangturzo-ah te hnehna a lo chang tawh angin tun \umah hian hnehna a chan kawp leh ngei a beisei thu a sawi a. Tui chu hmun hniam lama a luang khawm \hin angin midang tana malsawmna ni thei tura inngaitlawm taka khawtlang leh party tana thawk turin kalkhawmte a fuih bawk.

Nimin-a Congress Party in New Serchhip YMA Hall-a Chhung Inkhawm ah hian Unit leh Block Committee Member te an tel a ni.