Information & Public Relations Department Director K. Vanlalsangi chuan nimin khan lehlang in Serchhip a rawn tlawh a, Serchhip-a District Information & Public Relations Officer (DIPRO) R. Vanneihtluanga leh a thawhpuite bakah MJA Serchhip District hruaitu ten an lo dawngsawng a, Serchhip-a DIPRO Office chung siamthat hna thawh mek chu a hmunah enfiahin hnathawktute chuan khaw awmdan in a zir chuan chawlkar khat chhunga zawhfel hman an beisei tawh thu an lo hrilh a. I&PR Department-a thawktute nen an hnathawh chungchangah an inkawm nghal bawk a ni.
I&PR Director hian Serchhip Press Club pawh tlawhin MJA hruaitute chuan Press Club building tha zawk sa tura ruahmanna awm mek te an lo hrilh bakah an hnathawh dan hrang hrang te an sawiho a, hemi hnu hian Serchhip chhuahsanin Aizawl lam a pan leh nghal a ni.
