ZPM hruaitu ten an pawl beihna hrang hrang thuthar thehdarhtute hmaah an sawifiah

ZPM General Hqrs. a\anga hruaitu rawn kal an hruaitu \henkhat te chuan nimin khan Serchhip-a tualchhung thuthar thehdarhtute kawmin tunlai-a ZPM beihna hrang hrangte an sawifiah.
Nimin chawhnu-a Jamela Hotel-a thuthar thehdarhtute an kawmna hun hi Rev. Darchungnunga, Vice Chairman, ZPM chuan kaihruaiin Mizoram-a Pastor te chuan politics an ngaihtuah ngai meuh loh thu leh Politics-a zuanglut phei chu an awm ngailoh thu sawiin, amaherawh chu kan ram politics chu alo bawlhhlawh deuh deuh avang leh kan ram sawrkarna kengtute pawhin mipui huap zo lo tak sawrkar an ken tak deuh deuh avangin kan ram rorelna siam\ha turin Kohhran-a hun puma Pathian rawngbawltute pawh an inrawlh a ngai ta hial tih an sawi a. Hetianga an hmalakna hi Pathian rawng an bawlna ah ngai thlapin an thawkho tih an sawi bawk.
He hunah hian ZPM hruaitute chuan thuthar thehdarhtute zawhna chhangin ZPM leh BJP chu an inzawm ngailoh thu leh ZNP erawh chuan tunhma deuh khan Party dangte nen NEDA kaltlangin BJP chu an thawhpui thu an sawi a. Amaherawh chu BJP alo sawrkar hnuah an kaldan chu duh lovin ziak meuhin an inhnuhdawh thu an thlen tawh tih an sawi a. Mi tam tak ten ZPM chu Independent-a ding an nih thu leh thlantlin an nih pawhin lei awlsam tur nia an sawina chungchang chu ZPM chu Register Party an la nih loh avangin Independent-a inthlan an chuh phawt a ngaih avanga Independent-a ding an nih thu sawiin, thutiam la hmasa vek an nih avangin midang tan lei mai theih an nih dawnloh thu leh Common Candidate te chu Anti-Defection Law in phuarna a neih ve tho thu an sawi a. Independent-a ding an nih avanga an Poster leh Banner tar chungchanga zawhna pawh chhangin, hemi chungchangah hian Serchhip-ah ngei pawh MNF ten Election hotute hnenah an hek thu leh ZPM Official Candidate an nih avangin heng an hekna te pawh hi hnawl sak an nih tawh thu an sawi bawk.
Heng ZPM hruaitute hian ZPM chu Party dang te aia mihring ah \ha zawk an nih loh thu leh amaherawh chu an Policy leh an System chu midang nen danglam tak a nih avanga zui an nih thu an sawi a. Assembly inthlanpui neih turah hnehna an chan ngei an rin thu leh a mala sawrkar siam an inbeisei thu pawh sawiin, inthlan zawh ah Party pakhat-a kal chhunzawm zel an tum thu an sawi bawk. Nimin a thuthar thehdarhtute an kawmna hunah hian Rev. C. Lianzuala, ZPM Steering Committee Member te, Liantuala, Consultant te, Rev. Dr. V. Kapenga Consultant leh C. Lianzuala, ZPM Teering Committee Member te an tel a ni.

Popular posts from this blog

PAN CARD an tih teh fo hi - Laldinpuia