Serchhip leh Mizoram hmundangah PKVY Organic Fair hlawhtling taka neih a ni

Serchhip-a Agriculture Department buatsaihin nimin khan Agriculture Complex, Ser-chhip ah Organic Fair under PKVY Scheme neih a ni.

Nimin-a Serchhip-a Organic Fair hawnna hunah hian Serchhip DAO, James Lalsiamliana chuan Fair buatsaih anih dan sawiin, Paramparagat Krishi Vikas Yojana (PKVY) chu CSS zinga pakhat a ni a, he scheme hian a tum ber chu buh leh bal, thlai tharchhuahte damdawi thil reng reng leh thlai kahna damdawi hmang lova, thianghlim taka tharchhuah hi a ni, a ti a. Fertilizer aiah Compost Manure (hnim \awih) leh ran ek hmanga thlai chawm inzirtirna a ni a, thlai ven nan pawh Tur tello thildang hmang tura zirtir an nih thu a a sawi bawk.

PKVY Scheme hi 2015-2016 a\anga 2017-2018 thleng, kum 3 chhung kalpui a ni a. Serchhip District-ah chuan Chhirbi zau, N. Vanlaiphai; Zuva zau, Mualcheng leh Varhva zau, Chekawn-ah te hmalak a ni a. Heng Cluster 3 ah te hian loneitu mi 150 thlangchhuakin, loneitu pakhatin Acre 1 zel an enkawl a, thlai chi hrang hrang an chin bakah Buhban, Chana leh Tel an\am te an ching a. Chuta \anga an thar chhuahte chu mihring tana ei tlak, Tur tello leh thianghlim taka tharte chu nimin ah hian phochhuah niin, he Organic Fair hi mipuite infuih thar nan leh inzirtir nan an buatsaih a ni.

Paramparagat Krishi Vikas Yojana (PKVY) Organic Fair hi nimin khan Mizoram District dangah te pawh hman a ni a, Aizawl District Agriculture Office chuan Sialsuk khuaa he Fair hi hmangin Sialsuk, Sailam, Sumsuih, Samlukhai leh khawdang a\angin loneitute thlai tharchhuah - Buh chi hrang hrang, Bekang, Chhawhchhi leh Chana te man tlawm zawkin an hralh a ni. Fair neihna hmunah hian organic training neih nghal a ni bawk. Lunglei-ah chuan Paramparagat Krishi Vikas Yojana (PKVY) Organic Fair hi District Industries Training Hall-ah hmangin MJA Lunglei District President, H. Lalthansanga chuan a hawng a, PKVY Organic Fair-ah hian Lunglei khawpui chhung leh khawpui pawn a\ang Stall 14 hawn a ni a, hengah te hian Chemical tello a enkawl Thlai chi hrang hrang leh Pangpar bakah Organic lei\ha te phochhuah niin, man tlawm zawka hralh an ni. Siaha-ah chuan Agriculture Complex-ah he Fair hi hman a ni a, he hunah hian Thlai tharchhuah chi hrang hrang pholan niin item 13 a\angin item tina lawmman pakhatna, pahnihna leh pathumna te thlan an ni a. Mi pathumte hnenah consolation prize item tinah sem a ni bawk. Lawmman pakhatna hian tangkafai Rs.1500/-, pahnihna Rs. 1000/- leh pathumna Rs. 700/- \heuh bakah Consolation prize dawngtute hnenah Rs. 300/- \heuh pek an ni bawk.