MNF dincham lawmin Candidate puan a ni Serchhip bial-ah C. Lalramzauva a ding dawn

MNF Party chuan nimin khan MNF dincham vawi 57-na lawmin thla thar November 28-a Mizoram State Assembly inthlanpui neih tura an Party Candidate turte an puang a. Serchhip Bial-ah C. Lalramzauva chu ding dawn a ni.

Nimin a Aizawl Vanapa Hall-a MNF dincham lawmna leh MNF Candidate tur puanna hunah hian MNF President, Zoramthanga chuan Mizo thinlung pu zawng zawngte MNF-ah hawkhawm tura sawmin "Kum 2008-ah tawnhriat nei lovin kan sawrkar a, kan tihdik loh leh kan tihsual tam tak a awm tih kan hria a. Mipuite hnenah vawi tam tak ngaihdam kan dil tawh a, tunah hian ngaihdam kan dil nawn leh a ni," a ti a. "MNF sawrkar tharah chuan mipuite banphakah Pathian leh ram malsawmna kan chawi hniam dawn a ni," a ti. MNF President chuan Congress sawrkar chu mipuiin an ning takzet tawh nia sawiin, "Zu an zuar a, develoment lam an ngaihtuah lo a, project siam a sum sawichhuah an tum hek lo. Sum tam zawk siamna tur Mizoram budget peipun tum lovin an hmangral zel ringawt mai a ni," a ti a. "Congress party hian tlin tak tak inrinna an nei tawh lo. A mualpho lo tawka inthlan hi chuh an tum mai niin a lang," tiin MNF mipui kalkhawmte chu chapo lo turin a chah bawk.

MNF Vice President leh Campaign Directorate Chairman, R. Tlanghmingthanga kaihhruai he hunah hian Assembly bial 40 zingah Bial 39-a an Candidate tur an puang a, Serchhip bial-a ding turin C. Lalramzauva chu puan a ni a. C. Lalramzauva hi March 1, 1961 khan C. Kaphnuna (L) leh Laltawni te fa pahnihna niin Bawngchawm khuaah a piang a, thiamna lamah MA (Eng), LLB niin eizawnna lamah Senior Advocate a ni. Kulikawn West, Aizawl-ah chhungkuain an cheng a. Kum 1984-1991 chhung khan Pachhunga University College-ah Lecturer hna a thawk a, kum 1992 a\angin Ukil hna lamah a kal a, tun thlengin he hna hi thawkin Serchhip Bial-ah hian \um 4 a dinna tur a ni.

Nimin a MNF Candidate puan-ah hian an President, Zoramthanga chu Aizawl East-I bial ah dingin Sr. Vice President, Tawnluia chu Tuichang bial-ah a ding anga, Vice President, Dr. R. Lalthangliana chu South Tuipui (Hnahthial) bial-ah a ding bawk ang. Tunhnaia Congress a\anga MNF-a lut Home Minister hlui R. Lalzirliana chu MNF Ticket in a bial hlui |awi-ah bawk a ding dawn a, Congress a\anga MNF zawmtu MLA hlui, Lalrinliana Sailo chuan Chalfilh bial a chuh dawn abwk a ni.

Nimin a he hun hmanna ah hian Martar-te sunna hun hman a nih bakah kum 2018 MNF Election Manifesto chu an President, Zoramthanga'n a tlangzarh nghal bawk.

MNF Candidate tur list :

Hachhek - Lalrinenga Sailo

Dampa - Lalrintluanga Sailo

Mamit - Er. H. Lalzirliana

Tuirial - Sailothanga Sailo

Kolasib - K. Lalrinliana

Serlui - Lalrinsanga Ralte

Tuivawl - Lalchhandama Ralte

Chalfilh - Lalrinliana Sailo

|awi - R. Lalzirliana

Aizawl North-I - Lalringliana

Aizawl North-II - Laltlanzova Khiangte

Aizawl North-III - C. Lalmuanpuia

Aizawl East-I - Zoramthanga

Aizawl East-II - Robert Romawia Royte

Aizawl West-I - K. Sang\huama

Aizawl West-II - Lalruatkima

Aizawl West-III - Vanlalzawma

Aizawl South-I - K. Liantlinga

Aizawl South-II - Denghmingthanga

Aizawl South-III - Dr. F. Lalnunmawia

Lengteng - L. Thangmawia

Tuichang - Tawnluia

Champhai North - Dr. Thiamsanga

Champhai South - TJ. Lalnuntluanga

East Tuipui - Ramthanmawia

Serchhip - C. Lalramzauva

Tuikum - Er. Lalrinawma

Hrangturzo - Lalchamliana

South Tuipui - Dr. R. Lalthangliana

Lunglei North - Dr. Vanlal\anpuia

Lunglei East - Lawmawma Tochhawng

Lunglei West - C. Lalrinsanga

Lunglei South - Dr. K. Pachhunga

Thorang - R. Rohmingliana

West Tuipui - F. Robert Hmingthansanga

Tuichawng - La puan ve loh

Lawngtlai West - C. Ramhluna

Lawngtlai East - H. Biakzauva

Siaha - K. Beichhua

Palak - M. Chakhu