Khawvel huap inelna nei dawn

Mizoram Aero Sports Association (MASA) hruaitute chuan nimin khan Serchhip-a thuthar thehdarhtute kawmin Serchhip in Mizoram Open Pra-Gliding Accuracy Championship-2018 a thlen tur chungchang an sawifiah.
Nimin-a Serchhip Sub-Hqrs. YMA Meeting Room-a thuthar thehdarhtute an kawmna hun hi MASA Sub-Hqrs. Serchhip President, CVL. Hruaia chuan kaihruain Mizoram Aero Sports Association cuhan a dinna la reilo mah se hmasawnna tam tak a neih tawh thu a sawi a. Thla thar maia Serchhip in khawvel pum huap inelna tur, Mizo-ram Open Pra-Gliding Accuracy Championship-2018 chu Pre-World Cup a nih thu leh Mizoram in World Cup a thlenna tura kawng pawimawh a nih thu a sawi a. Serchhip khua in hneh taka he inelna hi a thlen theih nan \anrual a \ul thu a sawi bawk.
He hunah hian Mizoram Aero Sports Association (MASA) President, J. Vanlallian chuan he intihsiakna thleng tura hma an lakna te sawiin, kum 2010-a an pawl a din hnuah kum 2011 khan Serchhip Chuanhnuai-ah 3 Dimension Company nen \angkawpin Para-Gliding Festival an lo buatsaih tawh thu sawiin, ram hrang hrang a\anga rawn kal te pawhin kan hmunhma chu \ha an tih thu an sawi thu a sawi a. Tun \umah hian sum harsatna avangin Festival bawk neih leh an tum laiin Canada-a PGAWC te nen \angkawpin khawvel pum huap intihsiakna neih an tum tak thu leh hmun hrang hrang a\angin mi 100 vel rawn tel tura beisei an nih thu a sawi a. He intih-siakna hi a hlawhtlin dan a\angin Serchhip khawpui tan pawh hlawkna tam tak a awm theih dawn thu an sawi bawk.
He hunah hian thuthar thehdarhtute zawhna chhangin MASA hruaitute chuan Mizoram-ah Para-Gliding Pilot mi 11 an awm tawh thu sawiin, Pilot zir tur hian sum tam tak sen a ngaih avangin mimal tana zir mai chu thil harsa a nih thu an sawi a. Aero Sports zingah Para-Gliding chu a \hang chak ber te zing ami anih thu an sawi bawk.

Popular posts from this blog

PAN CARD an tih teh fo hi - Laldinpuia