MNF in BJP leh Congress a thawhpui ngai dawn lo

MNF President, Zoramthanga chuan, “Pathian leh kan ram tan titu MNF leh BJP Hindutva hi a kal dun thei ngai lo ang,” tiin MNF chuan BJP leh Congress a thawhpui ngai dawnlo tih a sawi.

Nimin a Aizawl Mizo Hnam Run-a tunhnaia Mizoram hmun hrang hranga MNF Village Council thar 44 leh MNF Local Council thar 8 lo ni ta te lawmna hun an buatsaih ah MNF President, Zoramthanga chuan MNF chu BJP nen an thawhho loh thu sawiin, “Heti taka kan boruak a \hat avangin 'BJP nen in thawk ho' tih dawtthu chu an sa nawn tluk tluk a, sawi tawh hnu pawh sawi nawn a ngaih phah leh \hin. BJP chuan Bial 40 awmah Bial 39-ah Candidate an nei vek a, keini pawhin Bial 40-ah Candidate kan dah kim vek. Hetah hian kan thawhho lohzia a lang chiang em em a, eng inthlanah mah BJP nen kan la tang dun ve lo,” a ti a. MNF chuan BJP leh Congress a thawhpui ngai dawn lo tih pawh sawiin, “MNF chuan BJP a hlau lo a, Congress pawh a hlau hek lo. Keini Pathian leh kan ram tan titu MNF leh BJP Hindutva hi a kal dun thei ngai lo ang, an Ideology pawh kan hlau chhete lo,” a ti bawk.