SEDP atan Annual Plan Budget-ah Vbc. sang aia tlem lo a awm kan dah nghal dawn - Dr. Thangtea

MNF Vice President, Dr. R. Lalthangliana chuan kum 2019 Assembly Session hmasak berah Annual Plan budget-ah SEDP atan cheng Vbc. sang aia tlemlo a awm nghal dawn tih a sawi.
Nimin a Aizawl South-II MNF Block Conference-cum-Campaign kick-off ah MNF Vice President, Dr. R. Lalthangliana chuan SEDP Funding Source chungchang sawiin, "Mi \henkhatin SEDP chungchangah hian khawi a\angin nge MNF hian pawisa an hmuh ang, tiin an sawi \hin a. Khawvel tukverh kan dak a, India ram tukverh-ah kan dak a, pawisa a lo kal theihna tur zawng zawng uluk takin kan ngaihtuah lawk vek tawh. Chuvangin, 2019 Assembly Session kan neih hmasak berah kan Annual Plan Budget-ah kan President-in a lo sawi tawh angin SEDP atan hian Vaibelchhia sang aia tlem lo a awm nghal dawn a ni. NLUP anga department sum pawt kual mai mai loin SEDP hmang hian Zoram thar kan siam dawn a ni,” a ti.
MNF Vice President chuan India ram Plan Budget lian tham tam tak, tuna kan sawrkar hrawn mek ten an hnuh luh hleih theih loh chu Chief Minister thar tur danglam tak, Pathian ring mi ho a an hnuhluh theih an beisei tlat tih pawh sawiin, “Kan Term tawp lampang khan zirtirtu 3000 anmahni duh thlan ngeiin Voluntery Retirement Scheme kan siam sak a, project siamin chumi hmang chuan Asian Devolopmemt Bank a\angin sum tam tak kan hai lut a. Kulikawn a\ang Lunglei inkar kawng te, New Capital Complex-te hi Mizoram budget pawn a\anga kan hmuh a ni. Chuvang chuan lo lungngai lo ula ,Pathian \anpuina in SEDP kan kalpuina tur atan hian sum harsatna awm lovin kan kal theih kan beisei a ni,” a ti bawk.
He hunah hian Lalruatkima MLA pawhin khawpui chhunga mi In luahtu ten harsatna tam tak an tawh \hin, duh hun huna In luahman tihsan \hin leh in hnawhchhuah avanga harsatna kan tawh \hin sukiang turin ‘The Mizoram Urban Areas Rent Control Act, 1974’ chu siam\hain an ennawn dawn tih a sawi a. Pathian leh mipui zara MNF a sawrkar chuan Medical College changtlung leh chhuanawm kan neih theihna turin Central enkawl Medical College ni turin MNF chuan hma a la dawn tih sawiin, MIMER chu MCI in kum 5 chhung a rawn enthlak dawn avangin sum leh pai a hautak dawn hle tih a sawi bawk.

Popular posts from this blog

PAN CARD an tih teh fo hi - Laldinpuia