Zoramthar Candidate tur 10 tichiang tawh

Kumin a Assembly inthlanpui chuh tum Zoramthar chuan an Candidate tur tichiangin an puang chho mek a, Assembly bial 40 zingah Bial 10-a Candidate tur 10 tifel tawhin Serchhip District-a Assembly bial 2-a an Candidate tur an tifel tawh bawk.

Zoram Thar hian an hruaitu Rev. Dr. Zaichhawna Hlawndo hova Mizoram hmun hrang hrang fang mekin Inrinni zing khan Khawzawl Bazar-ah Tuichang bial-a Zoram Thar tana Independent Candidate tur chu Lalremsanga a ni tih an puang a. He hunah hian Rev. Dr. Zaichhawna chuan tunah hian Zoram mipuite kan harh mek a, eiruk leh dawt sawi pawisalo roreltu siam kan hlau tawh a, mipuite ta tur nilo, Zoram mipui tlem te in hlawkna an tel tur Party sawrkar siam kan duh tawh lo a ni, a ti bawk.

Zoram thar hian Assembly bial 10-a an Candidate tur an tihfel tawh zingah hian Serchhip bial-ah Rev. Dr. Zaichhawna Hlawndo a ding anga, Hrangturzo Bial-ah Lalawmpuia, Serchhip Hmar Veng chu dingin Dr. Lalmuana, Dawrpui Vengthar chu Aizawl West-II ah a ding ang. Upa Zosangliana, Zemabawk chu Aizawl East-I ah dingin Lalremsanga, Venghnuai chu Tuichang bial-ah a ding anga, Lalruatfeli Hlawndo chu Aizawl North-I ah dingin Tlangngaihthanga Lily Veng Chaltlang chu Aizawl South-III ah a ding anga, Lalhrilzeli Hlawndo chu Lengteng bial-ah dinginLalremsiama, Zarkawt chu Aizawl North-II ah a ding bawk ang.