Sawrkar lakluh dan tur rel

Chief Secretary, Arvind Ray hovin nimin khan sawrkar mi pawimawh ten Mizoram sawrkar thar lakluhna hun, ‘Swearing in Ceremony’ neih dan tur an sawiho.

Mizoram Legislative Assembly inthlanpui neih zawh takah vote chhiarna hun hi December ni 11 ah neih a ni dawn a. Tuna Sawrkar dinglai term hi December ni 15, 2018-ah a tawp dawn tak avangin sawrkar thar siam turte lakluh dan tur ruahmanna chu nimin khan Mizoram Chief Secretary, Arvind Ray hovin sawrkar mi pawimawh ten Chief Secretary Conference Hall, New Secretariat Complex-ah an duang chhin a. Ruahmanna an siam dan chuan Swearing in Ceremony hi December ni 15, 2018-ah Mizoram Governor chenna, Raj Bhavan-ah neih tum a ni a. Governor, Kummanam Rajasekharan chuan rinawmna thu tiam tirin Chief Minister leh Council of Minister tharte hi a la lut dawn a ni.