MPCC President thusawi BJP in an chhanglet

BJP Mizoram chuan CADC sawrkar-a Congress nen an thawhdunna chungchang MPCC President in a sawi chu a dik leh dikloh hunin a la rawn hril dawn chauh tih an sawi.
Inrinni khan BJP Mizoram Pradesh chuan thuchhuah siamin Zirtawpni a Congress Bhawan a Lal Thanhawla'n BJP a beihna chu thubelh chian dawllo leh rin thu hmanga BJP te a puh chhiatna nia tarlangin, Chakma Autonomous District Council (CADC) Election result puan a nih hnu khan BJP chu thawhpui loh hlauvin Congress MDC te chuan an Congress nihna dah \ha in United Legislature Party (ULP) lem siamin BJP in sawrkarna siam se, tawpchin nei lo support pek an tiam avangin CADC ah BJP in sawrkarna an siam ta a ni, an ti.
Inthlan result puan tukah party tin MLA ten BJP sawrkarna siampui tumin an intlawn siak dawn tih hi Lal Thanhawla hian a hmu chiang hle ah BJP Mizoram Pradesh chuan a ngai tih pawh tarlangin, Chief Minister-in BJP ten Para-Military Force hmunpui-ah cheng vaibelchhe tam tak election zawhah MLA tlingte leina tur sum an dah ni awma BJP a puhna chu a hria a nih chuan a rang lamin Election Commission of India ah thlen mai se an ti a. CRPF leh Assam Rifle te tihmingchhia ah MPCC President chu an puh a, “BJP hian sawrkarna kan siamna apiangah sum hmangin vote leiin emaw, MLA te leiin sawrkar kan siam ngai lova. Sum sem tur zuarin mipui kan bum ngai lova. Mipui hmaa BJP te kan inzawrhna chu Development chuah hi a ni,” an ti.
Inthlan hmachhawn tura an inpeih thawhkhat tawh thu pawh sawiin BJP chuan, Sawrkarna siam tur pawhin an inring tawh tih an sawi a. “Mizoram-ah Development a taka a lo thlen theihna turin BJP te kum 5 min enchhin turin Mizoram mipui zawng zawngte kan sawm che u a ni,” an ti bawk.

Popular posts from this blog

PAN CARD an tih teh fo hi - Laldinpuia