Kawng \ha kan neih theih nan ZPM-|angrual Pawl vote vek turin ka ngen a che u - Lalduhoma

ZPM chuan nimin khan Serchhip Bazar-a an Campaign Office-ah mithar lawmluhna hun hmangin he hun hi Serchhip biala an Candidate tur, Lalduhoma chuan a hmanpui a. He hunah hian ZPM Chief Ministerial Candidate, Lalduhoma chuan, "Mizo mipuite Silchar la pel lo zawng zawng te kawng \ha kan neih theih nan ZPM-|angrual Pawl vote vek turin ka ngen a che u," a ti.

Nimin-a ZPM Campaign Office, Serchhip Bazar-a ZPM in mithar lawmluhna hun an hman ah hian ZPM Chief Ministerial Candidate, Lalduhoma chuan kan ram lo kaihruai tawhtu party pahnih, Congress leh MNF sawrkarna hnuaiah hian Mizoram hian kawng \ha kan nei ngai lo tih theih a ni tih sawiin, "Tuna kan ram hotupa ber lah chuan, ‘Silchar pawh la pel ngai loin 'kan kawng a chhia' an ti \hin,’ a ti a; Silchar pawh la pel lote, mi rethei tak tak, an VIP-te hi min hmusit hle tih a hriat theih a ni," a ti a. "Congress party hian \hangkhat lian zet ram kaihruaia hna an thawh chhung hian thlai thar leisak se chuan Vawiin-a hmusit taka 'Silchar pawh la pel lo' a tih ho hian Delhi te pawh kan thlenthlak mai bakah, kan tu leh fate pawh sikul \ha zawka kal turin kan thawn liam ve thei dawn a ni tih hi a hre \ha lo em ni? tih hi ka zawhna a ni," a ti bawk.
He hunah hian Lalduhoma chuan Serchhip khawpui chhung Veng hrang hranga ZPM Steering Committee te hmalakna a Veng hrang hranga hma an sawnna chu lawmawm a tih thu sawiin, sum senna tur tam tak a awm laia an hruaitu ten neitu chan changa hlawkna um lova hma an lo la chu lawmawm a tih thu a sawi a. ZPM chu tunah chuan Party pawh ala nih loh thu sawiin, sawrkar lai pawh an nih loh avangin an hnen a\angin hlawkna hmuh tur engmah ala awm lo tih hre chunga rorellai pawl a\ang pawha zawmtu an nei zel chu lawmawm a tih thu a sawi a. Inthlanpui neih zawh lamah pawl pakhata kal tura ruahmanna an siam mek thu pawh sawiin, Assembly inthlanpui lo awm tur atana theihtawp chhuah zel turin he huna tel te chu a chah bawk.
ZPM Serchhip thuchhuah in a tarlan danin nimin a mithar lawmluhna hunah hian mi 55 an lawmlut a, heng zingah hian New Serchhip Congress Unit-I a\angin President, Jessy Tlanmawizuala leh a thawhpui te telin Jessy Tlanmawizuala chuan Party chhunga buaina neuh neuh nei chung chuan ram leh hnam tan thil \ha tih a harsa hle a, chuvangin Congress party hi chhuahsan an nih thu a sawi a. "ZPM-ah lawm takin, ram leh hnam tana \ha tura theihtawp chhuaha ke pen ve turin kan rawn lut a ni," a ti bawk.

Popular posts from this blog

PAN CARD an tih teh fo hi - Laldinpuia