District Volleyball Championship khelh \an a ni

/
Serchhip District Volleyball Association buatsaih, Serchhip District Volleyball Championship-2018 chu nimin khan Leisekawt Mual, Serchhip-ah khelh \an a ni.
SDVA buatsaih Serchhip District Volleyball Championship-2018 hi Serchhip District Sports Committee Chairman, K. Tlangthanmawia chuan khuallian nia hawngin he Championship ah hian kumin hian beisei aia Team an tel tlem thu sawiin, Serchhip District in Volleyball players \ha tak tak kan neih laiin Mizoram Level thleng phak kan nei ta lo lutuk chu pawi a tih thu a sawi a. Volleyball Players te chu Serchhip District chhunga inkhelh ringawt chu duhtawk lova Mizorama langphak ni tura \an la tura fuihin, Tournament awm dawn chauha taksa sawizawi \hin ni lo, inkhelh theihloh lai leh Tournament awmloh lai pawha insawi-zawia \an la mar reng turin a chah a, District danga players te pawhin an tih theih chu ti ve thei tura \an la turin a chah a. Serchhip Chhim Veng-a Modern M/S awm \hinna hmun chu Volleyball Indoor Hall sakna atan tihfel a nih tawh thu leh hmalak chhoh char char a nih dawn thu a sawi a. Serchhip District Sports Committee a\anga Championship \anpuina Rs. 10,000/- hlanin he Championship hi a hawng nghal a ni.
SDVA Joint Secretary, Ramthiang-hlima Ralte kaihhruai he hunah hian General Secretary, C. Laldinpuia chuan Technical Report pein he Championship-ah hian Mipa-ah Team 9 leh Hmeichhia ah Team 3 an tel a, mipa hi Pool hnih-ah \hen an ni a, tunkar Inrinni-ah Final khelh tura ruahman niin he Championship-a Champion Team hi Serchhip District aiawhin Inter-District Volleyball Championship-ah an tel dawn a, nimin khan Mipa-ah Om Om VC in Vengchung VC hnehin PC Chhana VC in Hriangtlang an hneh a, Darnam VC in P&E VC-I hnehin Chan-mari in P&E VC-II an hneh a, hmeichhia ah Vengchung VC in Dinthar VC an hneh bawk.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »