Ram tana penchhuak Hmeichhia te chawimawi

/
Mizo National Women Front (MNWF) Hqrs. buatsaihin Mizoram in zalenna a sual laia ram tana penchhuak hmeichhia te chawimawina hun Inrinni khan Serchhip-ah neih a ni.
Serchhip-VII VC Hall-a Mizo Hmeichhia ram tana penchhuak te chawimawina hun hi MNWF Serchhip Block President, Lalremruati chuan kaihruaiin he hunah hian K. Lalrengpuii, President, MNWF Hqrs. Aizawl chuan mahni nunna thapa ram tana pen-chhuak te chu zahna chibai an buk tih sawiin, hetiang hun hi tunhma deuh a\ang tawha an lo kalpui tawh thu a sawi a. Kumin kumtir lamah Aizawl-ah mi 94 te hnenah chawimawina hi hlanin Kolasib-ah 26, Mamit-ah mi 19, Lunglei-ah mi 53, Lawngtlai-ah 20 mi leh Siaha 5 ami te hnenah chawimawina hi hlanin tun \umah hian Serchhip District-a mi 12 te hnenah chawi-mawina hi an hlan dawn thu a sawi a. Ram tana penchhuak hmeichhia te chu an phu anga an lo chawimawi \hin lohna leh ngaihsak an lo hlawh lohna ah te ngaihdam a dil a. Mizo Hnam a awm-chhung chuan Zofa ten an hre reng tawh dawn tih a sawi bawk.
Mizo National Women Front in ram tana penchhuak hmeichhia te chawimawina huna chawimawina an hlan te hi Dartluangi (L), Serchhip P&E Veng, Lalbuangi, Serchhip P&E Veng, Lalsangliani, Serchhip Saron Veng, Chalnguri, Bungtlang Bazar Veng, Saichhungi (L), Khaw-bel, Vanlalchhuangi (L), Khawbel, Lallungliani (L), Kei\um, Zaioni, Kei\um, Darhmingthangi, Thenzawl Bazar Veng, Chhingkungi, Piler, Lalhlupuii, Thenzawl Vengchhak leh Vanzingi, Thezawl Hermon Veng te an ni.
He hunah hian Martar te sunna hun hman niin report ngaihthlak a ni a, Ex-MNA Hqrs. Aizawl hruaituten thu an sawi bakah MNF Party in Assembly inthlanpui neih tura Serchhip biala an Candidate tur, C. Lalramzauva pawhin he hun hi hmanpuiin thu a sawi bawk.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »