Vote chhiar tur ten Kolasib-ah training an nei

Mizoram Assembly inthlanpui neiha Vote tla te tun thla ni 11-a chhiar turah Kolasib District-a Vote tla chhiar turte tana training chu nimin khan Kolasib I&PR Conference Hall-ah neih a ni.

He Training-ah hian Kolasib DEO, Dr.Arun T,IAS chuan vote chhiar ni a Duty tur te chu fimkhur tak leh uluk taka hna kalpui tura chahin rilru fim tak pu a mahni hna hlen chhuak \heuh turin duhsakna a hlan a. Counting Officials bakah Counting Hall a lut tur te tan Mobile Phone, Cigarrette leh Lighter te kenluh phalloh a nih thu tarlangin, Counting Hall a vawikhat luh tawh chuan Counting Hall Building chu Vote chhiar zawh hma loh chhuahsan phal a niloh thu a tarlang bawk.

Kolasib District a Vote chhiar ni a Duty tur hian Counting Micro Observer a tan mi 57, Counting Assistant a tan mi 50 bakah Counting Supervisor a tan mi 50 ruat lailawk an ni a, remchan dana zirin siksawi theih an ni ang. Kolasib District hnuaia Assembly bial tina vote tla te chu Govt. Kolasib College-a Hall hran \heuhah chhiar tur niin tun dinhmuna ruahman dan chuan Tuirial A/C Counting Hall-ah Counting Table 6, Kolasib A/C Counting Hall ah Counting Table 6 leh Serlui A/C Counting Hall-ah Counting Table 14 te chu ECI a\anga phalsak a ni a, hetihlai hian Hall zauh dana zirin Counting Hall tin a Counting Table awm tur zat hi ruahmanna dang siam tur niin ECI ah phalna dil tum a ni.