MZU Convocation nei

Mizoram University Convocation vawi 13-na chu nimin khan MZU Multipurpose Hall, Tanhrilh-ah neih a ni a, he hun hi Mizoram Larsap, Kummanam Rajasekharan, Rector of Mizoram University ni bawk chuan khuallian nia hmanpuiin zirlai 3922 te hnenah Dergee pek thar an ni.
Nimin a Mizoram University Convocation-ah hian Larsap chuan mithiam degree nei thar te chu beiseina sang tak nen khua leh tui \ha, mi rawntlak (Educated Citizen) ni turin khawtlang rawng-bawlna ah a lawmlut tih a sawi a. Degree \ha tak neih chu thil lawmawm tak ni mahse hlawhtlinna vawrtawp a ni lova, a bul\anna chauh a ni tih sawiin, University in a pawmpui Degree hlu tak tak te chu thiamna hman \angkai kawngah a kawltute nawr kaltu ni se a lawmawm hle ang, a ti bawk.
MZU Convocation vawi 13-na ah hian Mizoram University Vice Chancellor, Prof. KRS. Sambasiva Rao chuan zirlai hlawtling mi 3922 hnenah Degree a pe thar a. Heng zinga mi 948 te chu Convocation-ah hian an Degree dawng turin an tel thei a ni. Degree dawng tura Convocation-a rawn tel mi 948 zingah hian Doctor of Philosophy dawngtu mi 44, Master of Philosophy dawngtu mi 48, Master's Degree dawngtu mi 463, Master's Degree in Professional lines (MBA, MJMC, MCA, MEd, M.Pharm) dawngtu mi 53, Bachelor's Degree dawngtu mi 214 leh Bachelor's Degree in professional lines (B.Tech, BBA, B.Pharm, B.Sc Nursing, B.Sc (MLT), LLB, B.Ed, BCA, B.Optom, N.Sc RIT) dawngtu mi 126 an awm a. Zirlai thiam ber ber thlanchhuah, Gold Medal dawngtu mi 49 leh Subject hrang hranga ti\ha zual Book Prize winners mi 23 te hnenah chawimawina hlan a ni bawk.
Mizoram University hi kum 2000-a din niin National Assessment and Accreditation Council (NAAC) chuan kum 2014 leh 2019 inkar atan Grade 'A' a pe a. National Institution Ranking Framework in University \ha a thlanna ah 81-na a ni mek bawk a ni.

Popular posts from this blog

PAN CARD an tih teh fo hi - Laldinpuia