ZPM in lawmthu sawina hun hmangin an MLA ten ZPM Legislature Party an din

ZPM chuan nimin khan Aizawl-a an Office-ah Chhung Inkhawm neiin Pathian hnena lawmthu sawia \awng\ai rualna an nei a. Hemi hnu hian ZPM a\anga Independent-a thlantlin MLA te chu inhmukhawm nghalin ZPM Legislature Party dinin hruaitu tur an thlang nghal bawk.

Nimin a ZPM Chhung Inkhawm ah hian ZPM Leader, K. Sapdanga chuan ZPM chu kum khat chuang awrh chauha upa a ni chunga bial 8 laia an tling thei chu Pathian hnathawh leh malsawmna niin a sawi a. BJP in Mizoram-ah thawm lian an rawn nei thei lo chu Kohhrante \awng\aina nia sawiin, ZPM duhsaktu leh vote tute zawng zawng hnenah lawmthu a sawi bawk a. ZPM hotuten tihsual leh tihpalh tam tak an neih ah thupha chawiin, Candidate set chungchangah pawh tihfuh tawk loh an neih thu leh candidate changlo ten phur taka campaign nana sum leh tha tam tak an sengte chu a ropuiin a fakawm hle tih a sawi a. “Kan tlakna leh tlinlohna ah mawhpuh tur zawng lova Pathian remruata pawm thiam \heuh turin ka sawm che u a ni,” a ti bawk.
He hunah hian an Chief Minister Candidate, Lalduhoma pawhin ZPM a\anga MLA atana thlanthar te fuihin “Kan nupuiten \hi leh zungbun manto an inbel tur a ni lova, thawmhnaw man to leh mamawh bak an it tur a ni lo, mipui rawngbawl tur kan nih avangin nawmsakna leh hauhsakna kan thlahlel tur a ni hek lo. Tlawm taka nungin kan inzir belh zel tur a ni a, Assembly Session tinuamtu leh tihmuhnawmtu nih kan tum ang a, Legislator \ha tak nih kan tum tur a ni a, kan taima hle tur a ni,” a ti a. Ramhlui-ah Mizoram chu kan la awm avangin kalphungthar hmanga inthlan hmachhawn chu mipuiin kan la hrethiam tawk lo nia sawiin, “Flag tar hnem leh rik bung bungte chu kan hriatthiam tawk a la ni a, sum sem hreh lo kan la tam hle a, a dawngtu ten ram inrelbawlna ngaihtuah tawh hauh loin vote kan thlak ta \hin a, a pawi hle. ‘Change’ hi sawrkar thlakthleng chauh emaw ti kan lam tam a, Congress paihthlak duh em em ten paihthla thei tura an rin avangin MNF vote an tam a ni,” a ti bawk.
ZPM Chhung Inkhawm neih zawh hian ZPM a\anga Independent-a MLA atana thlantlin te chu \hukhawm nghalin ZPM Legislature Party an din a, an Leader atan Lalduhoma, Deputy Leader atan Vanlalhlana leh Secretary atan Dr. Vanlalthlana te an thlang nghal bawk.

Popular posts from this blog

PAN CARD an tih teh fo hi - Laldinpuia