Congress |halai inhmukhawm

Serchhip Block Youth Congress Committee chuan Inrinni khan New Serchhip YMA Hall-ah General Body Meeting neiin he hun hi Rosie Chalrotluangi chuan khuallian niin a hmanpui.

Serchhip Block Youth Congress Committee General Body Meeting hi an President, V. Lal-dingliana chuan kaihruaiin he hun hi Serchhip Bial-a Congress Party Candidate, Lal Thanhawla chhungte chuan an rawn hmanpui a, Khuallian Rosie Chalrotluangi bakah hian Lalthannguri leh Sapthlengliana te chuan thu sawiin, Assembly inthlanpui neih tura an Party in Serchhip bial-a hnehna an chan theihna tura hmalak dan tur hrang hrang sawiho a ni a, Serchhip Block Congress Committee President, PC. Vanlalsawma pawhin he hun hi hmanpuiin fuihna thu a sawi bawk.

He huna kalkhawmte hian Resolution siamin Mizoram Assembly General Election-2018 kan hmachhawn mekah Mizoram-a hma-sawnna leh remna leh muanna thlentu Serchhip bialtu MLA, Chief Minister ni mek, Lal Than-hawla, Serchhip bial-a ding leh tura dahtu MPCC chungah lawmthu sawiin, Serchhip in kan bial hmasawnna tam tak bakah Mizoram remna leh muanna kan lo vote chhuak tawh tih an tarlang a. Hmasawnna tam zawk vote chhuah belh turin kan biala Lal Thanhawla thlan tlin a nih leh ngei theih nan theihtawpa \an la turin an intiam thar leh a. “District khawpuia Serchhip siam a, 1997 a\anga chatlak awm lova Tuikum tui kan kawtkai-a min herhawtir a, Puipunna hmun tur Hall \ha tam tak min saksak a, khelmual \ha leh khawchhung kawng \ha tak tak min pe a, namen lova hmasawna kan khawpui siamtu Pu Lal Thanhawla chungah lawmthu kan sawi thar leh a. Serchhip khawpui hmasawn nana thawh hlawk ber Pu Lal Thanhawla hnathawh \hat engmah hmu duh hauh lo leh amah support thei lo te hi kan khawpui \hanmawhbawk an ni tih hi Serchhip Block Congress |halaite ngaihdan dik tak a ni,” an ti bawk.