International Day of Persons with Disabilities pualin Serchhip-ah hun hman a ni

‘International Day of Persons with Disabilities’ chu nimin khan Marian Hall, Serchhip P&E Veng-ah hman a ni a, he hun hi Serchhip District Education Officer leh RMSA Serchhip District-a District Project Coordinator, Lawmawma chuan khuallian niin a hmanpui a ni.

RMSA Serchhip leh Zoram Entu Pawl (ZEP) te \angkawp buatsaiha ‘International Day of Persons with Disabilities’ puala inkhawm ah hian khuallian Serchhip DEO, Lawmawma chuan rilru leh taksa lama rualbanlohna hrang hrang neite hmangaih taka enkawl \hintu te chungah lawmthu sawiin, Integrated Education for Disable Children (IEDS) chu kum 1985 khan Mizoram-ah bul\an anih thu te, Education Department hnuaiah naupang rualbanlo leh harsatna neite chu School hranpaa kaltir lovin, ‘Inclusive Education’ hnuaiah midangte nen zirtirna thuhmun pek an nih thu leh School Education Department-in pianphunga rualbanloten School an kal theihna tur atan remchanna an siamsak \hin thu a sawi bawk.

SSA kalpui a nih hnuah Inclusive Education chu Intervention pakhat-a kalpui a nih tak thu pawh sawiin, kum 2009-ah Ministry of Human Resource Development chuan Inclusive Education chu nasa zawka kalpui a nih theih nan Inclusive Education for Disabled at Secondary Stage (IEDSS) tiin Mizoram-ah a rawn kalpui tak thu a sawi a. Tunah hian Sawrkar hmalakin SSA hnuaiah E. Lungdar leh Sechhip Block-ah Resource Person mi 4 leh Resource Teachers 2 ve ve neiin kum 2018-2019 ah CWSN naupang 201 an neih thu leh Scholarship leh thildang ham\hatna erawh an la pekchhuah loh thu a sawi a. IEDSS bikah hian Serchhip District-ah thawktu IEDSS Co-Ordinator 1 leh Special Educator 2 an awm thu leh kum 2018-2019 chhung hian Childrens With Special Needs (CWSN) naupang 96 (mipa-44 leh Hmeichhia-52) nei mekin heng naupang harsatna nei te hi thawktuten an School ah kalchilihin an harsatna an zawnchhuahsak \hin a, theih ang anga an zirna kawnga hma an sawn theih nan \anpuina pek \hin niin, Girls Stipend Rs 2000/- leh Book & Stationery- Rs. 1000/- bakah a mamawhte tan Tarmit leh Wheel Chair pek \hin an nih thu a sawi a. SSA leh RMSA hmalakana avang hian mi engemaw zatin Rualbanlo Certificate an lo nei phah tawh tih a sawi bawk.

Margaret Vanlalnghaki, CBRW kaih-hruai he hunah hian PC. Lalromawia, Secretary, Block Disable People Organisation (BDPO) in report a pe a, Kum 2017-2018 inkara Persons with Disabilities (PwD) member boral mi 10 te sunna hun hman anih bakah, District chhung khaw hrang hrang a\anga Disable People Organisation (DPO) te hnen a\angin thusawi ngaih-thlak a ni a. Chawhnu lamah zaithiam te nen intih-hlimna hun hmangin zai leh lam chi hrang hrang entir a ni bawk.

District hrang hrangah Rualbanlote Ni hmang

Nimin a International Day of Persons with Disabilities (Rualbanlote Ni) hman chu Mizoram District hrang hrangah pawh urhsun taka hman a ni a. Lawngtlai-ah chuan Social Welfare Department, SSA Mission, RMSA leh Eirene Society te \angkawp huaihawtin LADC Hall-ah hman niin Rochuangkimi Khenglawt, SDO (Sadar) chuan khuallian niin a hmanpui a. Mamit-ah chuan Chhim Veng YMA Hall-ah District Bawrhsap, Vanlalngaihsaka hova hmangin Mamit District chhunga Middle School leh Primary-ah vohbik mi 443 leh Higher leh High School-ah 136 an awm thu tarlan a ni. Lunglei-ah chuan Cultural Heritage Center-ah SSA, RMSA leh Social Welfare Department te \angkawp huaihawtin Lunglei DC, Dr. Ankita Chakravarty chuan a hmanpui a. Kolasib-ah chuan St. Joseph’s Parish Hall-ah District Bawrhsap, Dr.Arun T, IAS hovin he Ni pual hian hun hman a ni bawk.