Latest News

JCB chesual-ah Operator thi

Serchhip IOC Veng-a cheng C. Lawm-zuala JCB chu Pathianni khan Serchhip leh Kei\um inkarah a chesual a, he chetsualna ah hian JCB Operator, VK. Liana (39), Zuangtui chu a hmunah boralin he vanduaina thleng avang hian nunna chan, VK. Liana nu chu a boral zui ve leh bawk.
C. Lawmzuala hian Kei\um leh Khawlailung inkara Tuichang kam-ah Quarry neiin hetah hian a JCB hmang hian hna thawkin JCB enkawltute leh Quarry-a thawk hnamdang te an awm a. JCB Operator, VK. Liana hian a Handyman chu vote thlak turin Zirtawpni khan a haw tir a, hna ala laklawh avangin amah hian a awm zui a. Amah pawh hi Thawh\anni ah Serchhip a\anga Zuang-tui-a haw tura tih a ni a.
Amaherawh chu Thawh\anni-ah pawh ala rawn haw tak loh avang hian Serchhip a\anga Quarry-a Lung phur tura kal te chuan zuk hmuh an tum a, Quarry-a la awm hnamdang te chuan Pathianni chhun khan a rawn chhuah tawh thu an sawi tak bawk si avangin a ruka zawn nghal a ni a. Inthlanpui kaihhnawiha duty Police ten Sailiamkawn-a CCTV camera an dah hmangin Pathianni-a helai hmuna lirthei vakvel chu enfiah zui niin hmuh tur a awmlo bawk a, ngawrh lehzuala zawngin nizan hmasa dar 10:00 vel khan Ser-chhip leh Kei\um inkar-a Vety Tuikhur leh Dumping Ground inkarah JCB chesual hi hmuh zui a ni a, a tirah a Operator hi hmuh ni lo mah se mi tlawmngai ten an zawn zui hnuah VK. Liana ruang hi hmuh a ni zui ta bawk a ni.
He vanduaina thlenna hmunah hian Serchhip Police te pawh kal nghalin VK. Liana ruang hi Serchhip damdawi In-a lak a nih hnuah tukin khan Zuangtui-a an chenna panpui nghal a ni a. Hetihlai hian he vanduaina thleng leh a fapa a boral tih a hriat hian Teikhang khuaa VK. Liana nu, kum 80 bawr vel chu nimin zing khan a boral zui ve leh bawk a, hetiang a nih avang hian VK. Liana ruang pawh hi Teikhang-ah hian lain vuiliam tura tih a ni ta bawk.

Comments

Popular News (Last 30 Days)