Volleyball-a champion lawm

Govt. Higher Secondary School Serchhip chuan kumin a Mizoram School Games-a Volleyball-a pakhatna an nih lawmna nimin khan neiin Advance Krismas an hmang nghal bawk.

Govt. Higher Secondary School, Serchhip in Mizoram School Games vawi 17-na a Mipa Volleyball-a Mizoram Champion an nih lawmna hun an School tual-a an buatsaih ah hian an School Principal, Laltinkhumi Hnamte chuan nikum lama School Games-a an dinhmun thlirin Volleyball-ah hian beiseina sang tak an neih avangin kumin ah item hrang hrang tilawr lovin Volleyball-ah dinhmun sang tak hauh tura an insawr-bing thu a sawi a. He an inbuatsaihna rah senga Mizoram puma lawmman pakhatna dawng thei an nih thu leh zirlai ten discipline \ha tak neia he intihsiakna a an tel chu lawmawm a tih thu a sawi bawk. GHSS Serchhip Principal chuan kan hma lawkah Kristian te hunpui, Krismas alo thleng leh dawn tih pawh sawiin an School zirlaite chu an nundan-a Pathian chawimawi chunga hung hmang turin a chah bawk.

Nimin a Govt. Higher Secondary School Serchhip in School Games-a an lawmman lak an lawmna hunah hian an School aiawha kal players te hnenah hian Medal leh Certificate hlan niin an Team Captain hnenah Trophy hlan a ni bawk a. Chawhnu lamah Advance Krismas hman zui niin zirlai leh zirtirtu ten zai leh lam bakah item chi hrang hrang an entir bawk a, nilengin hun an hmang a ni.