CVSc&AH-ah Annual Convention & Symposium nei

Nithum chhung awh XXXIII Annual Convention & National Symposium 2018 chu College of Veterinary Sciences & Animal Husbandry (CVSc & AH), Central Agricultural University (CAU), Selesih-ah neih mek niin Vawiin hian zawhfel a ni ang.

‘Veterinary Anatomy from Novices to Experts: Supporting Development of Professional Skill in Doubling Farmers Income’ tih thupui-a hmanga he hun buatsaih ah hian Orissa University of Agriculture & Technology Vice Chancellor Prof. Surendranath Pasupalak chu khuallian niin thiamna leh finna inhrilhhriatna hun \ha Symposium neih a ni chu lawmawm a tih thu a sawi a. Kalkhawmte chu an thiamna te ram hmasawn nana hmang turin a chah bawk.

Khual zahawm nia he hun hmanpuitu MIMER Director, Prof. L. Fimate pawhin CVSc & AH, CAU, Selesih ten India ram pum huap Symposium an thleng chu lawmawm a tih thu sawiin, MIMER nena thawhhona \ha tak an neih zel a beisei thu a sawi bawk.

Indian Association of Veterinary Anatomists (IAVA) huaihawta neih he hunah hian Dr. YL. Vyas chu Lifetime Acheivement Award pek niin Prof. RV. Prasad hnenah Dr. VR. Bhambuskar IAVA Silver Jubilee Award leh Gold Plated Silver Medal for Veterinary Anatomists of the Year-2018 pek a ni a. Dr. Gudepu Purushotham hnenah Fellow IAVA Award hlan niin Dr K.M.Lucy hnenah Fellow IAVA Award leh IAVA Best Research Paper Award hlan a ni bawk.

IAVA Convention & Symposium-ah hian Veterinary mithiamte, Scientists leh Post Graduate zirlai 200 vel India ram hmun hrang hrang atangin an lo kal khawm a, a hawnna hun hi CAU Vice Chancellor Prof. M. Premjit Singh chuan a kaihruai IAVA hruaitute pawhin thu an sawi bawk.