PRISM in an hmasawnna lawmawm an ti

PRISM Party chuan nimin khan Mizoram MLA inthlanpui thlirletin party hmasawnna ah an lawm tih an sawi a. Lok Sabha MP thlan turah candidate neih ngei ni se an ti bawk.

PRISM Party President, Vanlalruata kaihhruai PRISM Steering Committee chuan nimin khan Meeting hi neiin inthlanpui-a an party hmalakna leh thlen chin te thlirin party hmasawnna chu lawmawm an ti tih an sawi a. Inthlanpui neih zawh takah an tel ve avanga danglamna \ha thleng leh hemi in a nghawng zel tur te sawiho in party hmalam hun a eng hle-ah an ngai tih an sawi a. Inthlan vawikhat an hmachhawn vena a an hmalakna in a \ha zawnga danglamna a thlen te leh an sum leh tha sen te an chhutin hlawhtling hle ah an inngai tih an sawi bawk.

PRISM Party chuan an Party hmalak zel dan tur thlirin Lok Sabha MP thlan lo awm turah candidate neih ngei tura ruahman a ni a. Congress kaihhruai United Progressive Alliance (UPA) leh BJP kaihhruai National Democratic Alliance (NDA)-ah tel loh a, thawhhona dang awm, an telna awm melh ni se an ti bawk a. Hei bakah hian chak zawka hma la thei tura pawl chhunga hmalak dan turte pawh relin, MPF leh Political Party te Thawhhona Thuthlung thlirho niin Thawhhona siam leh anih dawna siam danglam duh lai te ruahman fel a ni a. Hemi chungchang hi MPF leh Party dang te lehkhaa pek tura rel a ni bawk.