Latest News

Ramchhung hmundangte rualin Serchhip-ah 'Police Commemoration Day' hman a ni

Kum 1960 a\anga India rampuma hman \hin 'Police Commemoration Day' chu nimin Oct. 21, 2018 khan Mizoram Police pawhin urhsun tak a hman a ni a, Serchhip-ah pawh he Ni hi Police ten SP, Sathiyasundaram hovin urhsun takin an hmang a ni.

'Police Commemoration Day' hi India rampumah Police Service laia ram tana nunna hlantute hriatrengna, zahna leh chawimawina hun atan hman \hin a ni a, Serchhip-ah pawh nimin zing dar 7:00 khan Serchhip SP Office tual-ah hman a ni a, he hunah hian Serchhip SP, R. Sathiyasundaram IPS chuan he Ni hman chhan te sawiin, kum khat kalta 1.9.2017-31.8.2018 chhunga ramchhunga Police an duty laia nunna chan te hming a chhiarchhuak a, hemi hnu hian heng mite sunna hi hman zui a ni.
Mizoram-a he Ni hmanna pui ber chu nimin zing khan DGP (M), Balaji Srivastava IPS hovin Martar te Hriatrengna hmun, 1st Bn. MAP, Armed Veng, Aizawl-ah neih a ni a, India ram State hrang hranga Police thite chhiar chhuahna hun hman niin anmahni zahna chibai bukna leh Sunna hun hmangin 1st Bn.MAP ten Commemoration parade an nei a, Mizoram DGP, Police Officers leh Staff te bakah Police Martar chhungten Martarte hriatrengna Lungphun ah Pangpar te dahin zahna chibai buk an ni. Kum khat kalta (1.9.2017 - 31.8.2018) chhung hian India ramah Duty laia Police chi hrang hrang nunna chan mi 419 zet awmin vanneihthlak takin Mizoram-ah chuan nunna chan an awmlo a, kum 1972 a\anga tun thlengin Mizoram-ah hian ram tana nunna hlan Police mi 56 an awm tawh a. India ram ah chuan kum 1947 a\anga kumin August thlengin Police mi leh sa Duty laia hmelma kuta thi mi 34837 zet an awm tawh a ni.
  British hunlai a\ang tawhin India Police te hian Tibet leh India inrinna lai bawr mel 2500 zet an veng \hin a, October ni 21, 1959 khan Karam Singh, DCIO leh a hote Police mi 20 rual chu ramri bulah China sipai ten lo lambun in Automatic Rifle leh Grenade hmangin an lo bei a. A hmunah mi 10 thiin mi 7 chu hliam na tak tuarin China sipaite chuan an man a. Heng ram tana nunna chante ruang hi China sipai chuan 13th Nov. 1959-ah India kutah hlanin Martarte ruang chu Ladakh hmun a Hot springs-ah chawimawina famkim nen halral an ni ta a. Kum 1960 a\ang chuan 21st October chu 'Police Commemoration Day' atana ruat niin kumtin Police ram tana nunna hlante hriatrengna, sunna leh chawimawina hun atan an hmang ta \hin a ni.
India ramah chuan 'Police Commemoration Day Parade' hi National Police Memorial, Chanakyapuri, New Delhi-ah kum 2012 a\ang khan hman \hin a ni a. Kumin ah pawh hian nimin zing dar 8:00 khan Prime Minister, Narendra Modi hova hman niin he hunah hian Mizoram Police zinga ram tana nunna hlan ta, Martyr chhungkua ami pahnihte (nu leh pa) chu Mizoram Police te senso in an tel ve a. Helai hmunah hian Police Museum pawh siam niin Mizoram Police Martyr-te thlalak leh chanchin pawh dah ve a ni. 

Comments

Popular News (Last 30 Days)