PRISM Party in Counter Affidavit an file thu an sawi

PRISM Party chuan MLA inthlana din tuma Nomination File mi 28 lakah Counter Affidavit File a nih thu an sawi.

Hemi chungchanga PRISM thuchhuah in a tarlan danin PRISM party thiltum pathum zinga a pahnihna chu Electoral Reform niin hemi kawnga PRISM pawl hmalak tawhna leh Party hmalak tum dan te vawi tam puanzar a ni tih an tarlang a. He hmalakna hi PRISM party chuan kalpuiin November 9, 2018 (Zirtawpni) khan India Danpui Article 191-na leh Representation of the People Act, 1951 Section 10 te; Representation of the People Act, 1951 Section 9A te, Central Civil Services (Conduct) Rules, 1964 Section 5(1) te bawhchhiaa nomination file te leh affidavit-a ziahlan tur thup \hen mi hrang hrang mi 28 lakah Counter Affidavit File a ni tih an tarlang.

PRISM Partym thuchhuah chuan Dan bawhchhiaa Nomination file dang pawh awm mah se heng chin bak hi an ti thei rihlo tih tarlangin, hei ringawt pawh hian, Returning Officer ten dik taka ro an rel chuan kan ramah danglamna (change) lian tak thlenin kan ram politics a thian thianghlim nasa hle dawn tih an tarlang a. Rorelna dik a awm loh chuan thuneitu sang zawk hnenah thlen an tum tih an sawi bawk.