MLA nilai S. Dinga boral

Lunglei South bialtu MLA, S. Laldingliana chu Inrinni zing khan Cancer vangin a boral a, Inrinni vek khan vuiliam nghal a ni.

Mizoram Assembly inthlanpui hnuhnung bera Lunglei South Assembly Constituency a\anga thlantlin S. Lal-dingliana hi hun engemaw chen Cancer natna tuara enkawl a nih hnuah Inrinni zing dar 6:30 khan Lunglei Chanmari-a an chenna In a boral a, hemi Ni vek hian vuiliam a ni. Kum 64-a upa S. Laldingliana hi Govt. Lunglei College-a thawk \hin niin YMA lamah pawh a inhmang \hin a, kum 2008 MLA inthlanpui ah khan Lunglei South bial-ah hian MLA atan thlantlin niin Congress sawrkar-ah Parliamentary Secretary hna a chelh a, kum 2013 inthlan ah khan a bial ngai ah bawk hian thlantlin leh a ni a, Lunglei High Power Committee-ah Vice Chairman hna chelhin he hna hi a boral ni thleng hian a chelh a ni.