Nimin khan Serchhip-ah Rashtriya Sankalp Diwas, National Re-Dedication Day pualin zirlai ten kawng an zawh a, Serchhip Bazar-ah intawh-khawmna neiin hun hman a ni.
Nimin Oct. 31 kha India ram Prime Minister hlui, Indira Gandhi thihcham leh India ram hruaitu ropui, Sadar Vallabh-bhai Patel-a piancham niin he Ni hi Rashtriya Sankalp Diwas, National Re-Dedication Day atan hman a ni a, Serchhip-ah chuan Govt. Serchhip High School leh Govt. JM High School ten an School a\anga kawng zawhin Serchhip Bazar-ah an intawkkhawm a. Heng zirlaite intawhkhawmna hmunah hian hun hman zui niin he hun hi Serchhip District Education Officer (DEO), Lawmawma chuan a hmanpui a ni. He hunah hian DEO chuan India ram chu hnam chi hrang hrang, nundan leh khawsak phung inanglo tak tak te chenhona a nih thu sawiin, kan nundan leh khawsak phung inang loin kan sakhaw biak dan pawh inanglo mah se pangpar huan-a pangpar chi hrang hrang mawi taka an awmkhawm angin kan danglamna te inhre tlangin inpumkhata ram tana kan inhlan thar a ngai a ni, a ti a. India ram chu ramchhung lawh pawn a\angin kan inlungrualna leh inpumkhatna tihchhiat tumin mi \henkhat ten bei \hin mah se heng te hi do tlangin, kan inpumkhat deuh deuha, dinhmun sang tak kan thlen a \ul thu a sawi bawk.
Serchhip SDEO, Vanlalchhana kaihhruai he hunah hian Serchhip DC Office-a SDC, Ngurthansanga hovin he huna tel te chuan Rashtriya Sankalp Diwas (National Re-Dedication Day) puala thutiam an chhamrual a, he an thutiam-ah hian ram leh hnam inpum-khatna leh zalenna vawnghima tichak tura thawk tura intiamin, Tharum thawhna hman tum ngailo tur te, Sakhua, |awng leh chenna hmun avanga inthliarhranna leh inhriatthiam lohna a awm a, rorelna leh nitin khawsak chungchanga harsatna a awm pawhin Dan hnuaiah leh tharum thawhna tel lova chinfel tura thawk turin an intiam a ni.
Nimin khan Serchhip-ah Rashtriya Sankalp Diwas, National Re-Dedication Day pualin zirlai ten kawng an zawh a, Serchhip Bazar-ah intawh-khawmna neiin hun hman a ni. 
Comments
Post a Comment