Politics-a inbeihna niin sawi

Home Minister a\anga bang ta, R. Lalzir-liana chuan kum 2007-a Rev. Chanchinmawia thih dan chungchanga MNF President, Zoram-thanga puhna chu thu diklo leh politics tenawm tak hmanga inbeihna a ni, a ti.

Nimin khan Seling khuaah chanchinbumite kawmin |awi bial-a MNF candidate, R. Lalzirliana chuan Aizawl Chhinga Veng ami Thansanga’n Khatla bialtu Pastor, Rev. Chanchinmawia thah tir tura pawisa pek tum anga Zoramthanga a puh thu a sawi a. Home Minister a nih lai khan hei hi a la thutak hle a, Thansanga hi lengah sawmin a zawtfiah a, thuhretu a neih leh neih loh a zawt a. Ani chuan an inbiak laiin a \hianpa Lungmuana chu a awm ve a, thuhretu a ni a ti a, mahse Lungmuana chuan chutiang a hriat loh thu a sawi avangin Police-te pawh chhui zui lo turin a hrilh niin a sawi a. Police Officer ho chuan Mizoram Police te thil chhui dan a rinhlelh thu Chief Minister-in a sawi chu an rilru a nat hle thu an hrilh niin a sawi.

Home Minister hlui chuan hetianga kum 10 kalta a thil thleng leh thu diklo hmanga politics a hlawkna beisei a thilti duh an awm chu mak a tih thu a sawi a. ‘He thil hi chu khatihlaia Aizawl District SP, tuna Congress candidate ni ta, LT. Hrangchal hian a hre chiang ber ang,’ tiin Congress party hotute hian thu dik an hriat duh chuan LT. Hrangchal hi lo zawt mai turin thurawn a pe bawk.

November ni 28 a Assembly inthlan lo awm turah chuan rorellai Congress hian tuna eptu pawlin MLA an neih zat vel hi an neih phak chauh a rin thu pawh sawiin R. Lalzirliana chuan, HPC (D) leh Mizoram sawrkar inremna thuthlung tihpuitlin tak tak hna chu sawrkar thar tihtur a nih avangin MNF sawrkar nena \ha taka an thawh ho theih a pawimawh a ni, a ti a. |an bik leh puih bik an lo neih a rem loh thu Sinlung Hills Council hruaitute pawh a hrilhfiah niin a sawi bawk.