Vote thlak \hat ngai dawn

Lawngtlai District Tuichawng Constituency-a Ajasora Polling Station-ah Assembly inthlanpui neih zawh taka inthlanna hmanrua a \hat loh avangin December 4, 2018-ah Vote thlak \hat a ni dawn.

Hemi chungchanga nimin-a Election Commission of India in Mizoram CEO a rawn hriattir angin Mizoram Chief Electoral Officer, Observer leh Returning Officer ten Election Commission of India hnenah report an thehluh zirchian a nih hnuin Vote lo thlak tawh chu pawm a ni ta lo a, hei vang hian Ajasora Polling Station-a Vote thlak hun atan hian December 4, 2018 (Thawhlehni) zing dar 7:0 a\anga tlai dar 4:00 thleng ruat a ni. Ajasorra Polling Station-ah hian vote nei mi 1080 an awm a, nimin lam khan Vote hi thlak \ha turin ruahmanna siam fel vek ni mah se ECI a\anga phalna hmuh theih a ni tak loh avangin Vote thlak theih a ni lo a, ECI lamin a thara ruahmanna a rawn siam ang hian kalpui a ni zawk dawn ta a ni.