MZP Quiz zawhfel a ni

MZP Inter High School Quiz 2018 Final chu Zirtawpni zan khan zawhfel a ni a, St. Pauls Higher Secondary School chu pakhatna an ni.

MZP Inter High School Quiz 2018 Final hi Ignite Studio-ah neih a ni a, he hunah hian MZP General Hqrs. President, L. Ramdinliana Renthlei chuan Zirlaite chu Pathian \ih chunga zirlai zir tur leh nu leh pa thuawihna nen theihtawp chhuah na nen, an zirlai \ha taka an zir a ngaih thu a sawi a. Mizote chu Hnam tlemte kan nih thu sawiin, amaherawh chu theihtawp chhuah a an beih chuan hnamdang tih ang leh hnamdang nih ang an ni ve thei tih a sawi a. Zirna lamah pawh kan mithiam hmasa ten taima tak leh tumruk takin lehkha an lo zir \hin a, Central Service hrang hrang ah an lut thei a, tuna zirlaite hian taima tak leh tumruk na nen kan zir chuan kan thei ve ani tih hi kan hriat a \ha a, hnamdang pawh in an theih chuan kan thei a ni, a ti bawk.

MZP Inter High School-ah hian School 12 telin Final-ah hian Govt. Mizo High School, St. Pauls Higher Secondary School leh St. Joseph Higher Secondary School te an inel a, a pumpui ah St. Pauls Higher Secondary chu pakhatna niin lawmman Rs. 30,000/-, Trophy leh Citation an dawng a. Pahnihna Govt. Mizo High School in Rs. 20,000/-, Trophy leh Citation dawngin Pathumna St. Joseph Higher Secondary School in Rs.10,000/-, Trophy leh Citation an dawng bawk. MZP Inter High School Quiz-ah hian F. Remsangpuia, St.Pauls HSS chu Best Quizer niin amah hi Serchhip IOC Veng-a cheng, zirna avanga Aizawl lama awm mek a ni.