Mizoram State Assembly 8-na din turin Vawiin ah Vote thlak a ni dawn ta

Mizoram State Legislative Assembly inthlanpui vawi 8-na Vawiin-a neih tur atan inbuatsaihna peihfel a ni ta a. He intlanna a Serchhip District chhunga Polling Station hrang hranga duty tur Polling Party te pawhin nimin khan an duty-na tur hmun an pan fel ta bawk.

Mizoram State Legislative Assembly 8-na din tura inthlanpui neih turah hian harsatna awm lovin inbuatsaihna chak taka kalpui niin tunah chuan Vote thlak turin inbuatsaihna engkim peihfel a ni ta a. Serchhip District chhunga Assembly bial pathum-a inthlanna nei turin inbuatsaihna pawh engkim peihfel niin he inthlanna a duty tur Polling Party te chuan nimin khan an duty-na tur hmun an pan a, a chhuak hmasa ber ten zing dar 9:00 khan Serchhip DC Office chhuahsanin a chhuak tlai ber 26/20-New Serchhip-II a duty turte chuan chawhnu lam khan an duty-na tur hmun hi an pan a ni.
Serchhip District chhung Assembly bial pathum-ah hian 26-Serchhip ST (AC)-ah Candidate 7 awmin Vote nei mipa 8542 leh Hmeichhia 9470, an vaiin 18,012 an awm a, heng mite Vote thlakna atan hian Polling Station 23 a awm a ni. 27-Tuikum (ST) Assembly-ah vote nei mipa 7682 leh hmeichhia 7779, an vaiin vote nei mi 15461 awmin Polling Station 29 a awm dawn thung a, 28-Hrangturzo (ST) AC-ah vote nei mipa 7697 leh Hmeichhia 7810, an vaiin vote nei mi 15507 awmin Polling Station 25 a awm dawn bawk a, ruahman lawk ang chuan Vote thlak hi zing dar 7:00 a\anga tlai dar 5:00 thlenga neih tur a ni dawn a, Vote thlak hi zawhfel a nih veleh Polling Party te chuan an bungrua te nen Serchhip District Election Office an rawn pan nghal anga, an bungrua te chu venhimna hnuaiah dahin thla thar December 11 khian Vote tla te hi chhiar a ni ang.
Kumin ah hian Election Commission of India in ruahmanna a siam angin inthlanna buaipuitu leh venhimna hna thawktu zawng zawng atana Hmeichhia vek ruatna Polling Station, Pink Polling Station chu Assembly Constituency tinah a awm dawn a, hemi ang hian 26-Serchhip (ST) AC-ah chuan 26/17-Serchhip-XI, Little Flower Convent School (South Wing) chu Hmeichhia vekin inthlanna an buaipui dawn a, he Polling Station-ah hian vote nei mi 616 an awm dawn a ni. 27-Tuikum (ST) AC-ah chuan Pink Polling Station atan hian27/22-Chhiahtlang-III chu thlan niin vote nei mi 363 an awm dawn a, 28-Hrangturzo (ST) AC-ah chuan Pink Polling Station atan hian 28/14-Bungtlang-I chu ruahman niin he Polling Station-ah hian vote nei mi 598 an awm bawk a ni.
Assembly inthlanpui neih turah hian 26-Serchhip (ST) AC-ah Candidate 7 awmin Serchhip District chhunga bial pathum awm zinga Candidate tamna ber a ni dawn a, heng Candidate te hi Indian National Congress (INC) a\angin Lal Thanhawla, Bharatiya Janata Party (BJP) a\angin Lalchunglura, Mizo National Front (MNF) a\angin C. Lalramzauva, Peoples Representation for Identity and Status of Mizoram (PRISM) Party a\angin Vanlalruata, National People’s Party (NPP) a\angin Kapliana Pachuau, ZPM a\anga Independent-a chuh, Lalduhoma leh Zoram-thar a\anga Independent-a chuh Zaichhawna Hlawndo te an ni.
27-Tuikum (ST) AC-a inthlanna chuh turin Canddiate 6 an awm a, chung te chu INC a\angin Sangzela Tlau, BJP a\angin Lalnun-mawia Chhakchhuak, MNF a\angin Er. Lalrinawma, PRISM Party a\angin RC. Rohmingthanga leh Independent-a chuh tur ZPM a\angin PC. Vanlal-ruata leh Zoramthar a\angin Lalruatfeli Hlawndo te an ni a. 28-Hrangturzo (ST) AC-ah pawh Candidate 6 bawk awmin INC a\angin Vanlal-awmpuii Chawngthu, BJP a\angin K. Sangzuala, MNF a\angin Lalchamliana leh PRISM Party a\angin RL. Liantluanga bakah Independent-a chuh tur ZPM a\angin Lalthansanga leh Zoram-thar a\angin Lalawmpuia Renthlei te an ni.

Popular posts from this blog

PAN CARD an tih teh fo hi - Laldinpuia