Larsap in Home tlawh

Mizoram Larsap, Kummanam Rajasekharan chuan Hnuchham, fahrah leh riangvaite enkawl hna chu thil ropui tak - khawtlang, mahni mihring-puite leh Pathian rawngbawlna a ni, a ti.

Mizoram Larsap hian nimin khan Aizawl Tuikual-a Salvation Army enkawl, Nau Hnucham Run (Motherless Babies Home) chu a tlawh a, Commissioner Lalzamlova, Territorial Commander leh Salvation Officer pawimawh ten lo dawng-sawngin Naupangte enkawldan leh hmunhma te a enkual hnuiin Larsap chuan Hnuchham Run enkawltu te fuihna thu tawi a sawi a. Hnuchham, fahrah leh riangvaite enkawl hna chu thil ropui tak - khawtlang, mahni mihringpuite leh Pathian rawngbawlna a ni tih sawiin, Hnuchham enkawlna kawngah amah ngei pawh a lo thawh ve \hin thu te, an rawngbawlna kawngah engemaw ti kawnga \anpui ve theihna te a nei a nih phei chuan a inhawn reng thu a sawi a. Mizoram hmun dangah nu leh pa enkawltu neilote enkawlna hmundangte pawh engemawzat a awm tih a hriat thu sawiin, a tahtawla la tlawh kual a tum thu a sawi bawk.

Motherless Babies Home, Tuikual chung-chang hi sawiin Captain Lalmuanpuii Sailo, House Superintendent chuan Salvation Army enkawl, Hnuchham Run chu Nausen leh kum 6 inkar te enkawlna a ni tih a sawi a. Tun dinhmunah hmei-chhe naupang 7 leh mipa naupang 7 an awm mek a. Awmchilhtu Home Mother 7 leh lehlanga thawk Staff 7 in naupangte leh inchhung hi an enkawl a. An inenkawl dan leh an inkaihruaina te hi Sawrkar programme, Integrated Child Protection Scheme (ICPS) duhdan thlapa kalpui a ni, a ti. State leh Central a\angin Official te chuan an hmalakna te leh Mizoram hmun hrang hranga midang te enkawl Home te pawh an vil reng tih pawh sawiin, Motherless Babies Home hian rampum huapa hnathawk \ha chawimawina "National Award for Child Welfare, 1996" chu kum 1997 khan India President hnen a\angin a dawng tawh bawk a ni.