MLA inthlanpuia Vote tla te District hrang hranga chhiar dan tur ruahman fel a ni

Mizoram Assembly inthlanpui a Vote tla te chui karleh Thawhlehni-a a ruala chhiar turin inbuatsaihna ngawrh taka kalpui mek a ni.

Election Department. hotute sawi danin District hrang hranga vote chhiarna tur Counting Hall ruahman fel vek a ni tawh a, Aizawl-ah chuan vote chhiartu tur Counting Supervisor leh Counting Assistant te ruatfel an ni tawh a, hemi rual hian an hnathawhna hmun tur pawh chinfel sak an ni. Hetiang bawk hian District dangah pawh vote chhiartu tur te hi District Election Officer, Returning Officer ni bawk hovin thlana an hnathawhna tur siam fel sak mek an ni a, training pawh pek zui thuai an ni ang. Vote chhiar dan tur pawh ruahman fel a ni tawh a, Mamit District-a Hachhek leh Mamit biala vote tla te chu Mamit DC Office-a Counting Hall-ah chhiar a ni ang a, Dampa biala vote tla chu Local Adminstration Deptt. Hall-ah chhiar a ni ang. Kolasib District-a bial pathum, Tuirial, Kolasib leh Serlui-a vote tla te chu Govt. Kolasib College building-a Counting Hall-ah chhiar a ni ang.

Aizawl District-a Tuivawl, Chalfilh, |awi, Aizawl North I, Aizawl West I leh Aizawl South I biala vote tla te chu Pachhunga University College-a Counting Hall hrang hrang siam ah te chhiar a ni ang. Aizawl North II leh Aizawl North III biala vote tla te chu R. Deng\huama Indoor Stadium-ah chhiar a ni ang a, Aizawl East I leh Aizawl East II biala vote tla te chu Govt. Hrangbana College-a Counting Hall-ah chhiar a ni ang. Aizawl West II leh West III biala vote tla te chu Assembly Annexe Building-ah chhiar a ni anga, Aizawl South II leh South III biala vote tla te chu Govt. Aizawl College-ah chhiar a ni ang.

Champha District-a Lengteng, Champhai North leh Champhai South biala vote tla te chu Champhai DC office Counting Hall-ah chhiar a ni ang a, Tuichang leh East Tuipui biala vote tla chu District Panchayat Resource Center Counting Hall-ah chhiar a ni ang a, Serchhip District-a Assembly bial thum, Serchhip, Tuikum leh Hrangturzo biala vote tla te pawh DC Office-a Counting Hall pathum ah chhiar a ni ang. Lunglei District-a Assembly bial 7 South Tuipui, Lunglei North, Lunglei East, Lunglei West, Lunglei South, Thorang leh West Tuipui biala vote tla te chu Saikuti Hall-ah chhiar a ni ang a, Lawngtlai District-a bial 3, Tuichawng, Lawngtlai West leh Lawngtlai East-a vote tla te pawh Govt. Lawngtlai College-ah vek chhiar a ni ang a, Siaha District-a Assembly bial 2, Siaha leh Palaka vote tla te pawh Govt. Siaha College Counting Hall-ah chhiar a ni ang.