MHIP hruaitu ten naupang humhalhna Dan an zirho

District Child Protection Unit, Serchhip buatsaihin nimin khan Serchhip-a MHIP Branch hruaitute tan Naupangte venhimna leh hum-halhna Dan hrang hrang zirhona neih a ni.
Serchhip District Child Protection Unit Serchhip buatsaiha Serchhip Hmar Veng YMA Hall a he zirhona hun hi District Child Protection Officer, Lalsiampuii chuan kaihruaiin MHIP te chu kawng engkima an thawhpui te leh chhungkaw enkawltu pawimawh tak an nih avangin hetianga nupangte humhalhna leh venhimna Dan chu an hriat a pawi-mawh lehzual avangin hetiang hun hi buatsaih \hin a nih thu a sawi a. He hun ngai pawimawh kal MHIP Branch hrang hrang hruaitute hnenah lawmthu a sawi bawk.
He hunah hian Lalramsiami Sailo, Legal-Cum-Probation Officer chuan Integrated Child Protection Scheme (ICPS) chungchang leh he Scheme hnuaia hma an lakna hrang hrangte a sawi a, District Child Protection Officer, Lalsiampuii chuan naupang kum tlinglo pawikhawihte hremna dan, Juvenille Justice (Care & Protection of Children) Act 2015 leh hursualna laka nau-pangte venhimna dan, Protection of Children from Sexual Offences (POCSO) Act chungchang a zirtir a, he hunah hian Serchhip khawpui chhunga MHIP Branch hrang hrang a\angin hruaitu rual te telin zawhna leh chhanna hun hman a ni bawk.

Popular posts from this blog

PAN CARD an tih teh fo hi - Laldinpuia