Ngaihtuahna fim hman a \ul

Ngaihtuahna fim hman a \ul

Mizoram Assembly inthlanpui chu kan hma lawkah kan nei dawn ta niin a lang a, mipui nawlpui ti ti-ah pawh Politics in hmun a luah zau sawt hle a, tunah chuan bial tina Candidate turte pawh hriat ni tawhin heng mite a\ang hian mipui ten kan duh kan thlang dawn a ni a, he inthlanna kan neih turah hian mipui te hian kan ram leh kan hnam tana \ha tur ngei kan thlanchhuah theih nan keimahni tawkah \heuh Candidate te leh mipuite hmaa an inzawrhna te kan zirchian a pawimawh hle a, sum leh pai tlem te um-a kan zahawmna hralh lovin kan tu leh fa lo la awm zel turte thlenga kan \hatpui tur roreltu tur thlang turin kan ngaihtuahna kan sen a \ul a ni.

Kan hriat angin India ram hi mipui ten kan aiawha roreltu tur thlanga ro kan relna ram a ni a, chuvangin kan ram rorelna a \hat leh \hat loh ah pawh mipui ten mawhphurhna thui tak kan nei. Roreltu tur kan thlang fuhlo a nih chuan ram hmasawnna nasa tak kan beisei theilo \hin a, chutihrual chuan roreltu \ha kan thlangchhuak a nih chuan kan ram leh hnam in hma a sawn anga, chhungkaw tin te pawhin nasa takin hma kan sawn phah thei \hin dawn a ni.

Chuvangin mipui, ram hruaitu tur thlang theitute hian he inthlanna kan neih turah hian ngaihtuahna fim tak kan hman a pawimawh hle mai a. Kan ram hruaitu ni tura inpe mi \ha tak tak te zingah hian tu hi nge thlang ila kan khua, kan bial, kan ram leh kan hnam hmasawnna atan \ha ber ang tih ngaihtuah chungin, kan ngaihtuahna fim min hman tir theilo te dah\haa ngaihtuahna fim tak nen kan ram hruaitu tur hi thlang ila, chutianga mi \ha te ngei kan thlangchhuah chuan kan ram hian hmasawn lam a pan zel thei dawn a ni.