Rualbanlote Vote thlak dan tur zirhona neih a ni

Nimin khan ‘State Level Workshop and Sen-sitization on Accessible Elections for persons with Disabilities’ neih a ni a. He Workshop-ah hian Election Commission of India-in pian-phunga rualbanlote tana awlsam zawka vote an thlak theihna tura ruahmanna hrang hrang a rawn siam tharte sawiho a ni.

Mizoram State Addl. CEO, Lalzarmawii, IAS hova NLUP Conference Hall, Aizawl-a ‘State Level Workshop and Sen-sitization on Accessible Elections for persons with Disabilities’ ah hian District hrang hranga Election kaihhnawih official-te telin Addl. CEO chuan India chu democracy a nih angin mipui aiawh tur thlanna ah khua leh tui, kum 18 chin chunglam, pianphunga rualbanlote leh kawng danga vanduaite pawh vote thlak vek tura beisei an ni tih a sawi a. Vanduaina hi tu chungah pawh thleng thei a ni tih hre renga rualbanlote chungah ngil-neihna leh hriatthiamna lantir hi kan tih tur dik tak a ni, a ti.

Tun dinhmunah Mizoram chhungah Elec-toral Roll-ah pianphunga rualbanlo inziaklut (enrol) zat chu mi 3915 an ni a, heng mite hi Mitdel/Mit lam \halo-303, Bengngawng/Beng lama harsatna nei-1318, Zeng/chetlam harsat-738 leh rualbanlohna chi dang nei 1556 an ni tih tarlan a ni a. Kumin Inthlan thupuiah - ‘Acces-sible Elections - No Voter to be left behind’ tih a nih ang takin Electoral Roll-a awm zawng zawngte chuan vote an thlak \heuh hi ram khua leh tui \hate mawhphurhna leh chanvo dik tak a nih thu Addl. CEO chuan a sawi bawk.

Nimin a Workshop neih hi Dy. CEO, H. Lianzela chuan kaihruaiin Resource Persons atan mi 2 - Malsawmzuala, Asst. CEO leh Chuau-zikpuii, Asst. Director, SWD & Nodal Officer, PwDs te hman an ni a, anni hian he huna tel te chu zirtirna an pe a ni.