Rualbanlote cho phur nan March with Pride nei

Kumin Mizoram Legislative Assembly Inthlanpui lo awm tur inpuahchahna kal zelah Inrinni khan rualbanlo ten vote an thlak ve ngei theih nana cho phurna kawngzawh programme “March with Pride” chu Aizawl DC Office kaihhruaina in buatsaih a ni.
He kawngzawh-a tel te hi Aizawl Vanapa Hall kawt a\angin SB. Shashank, IAS, Chief Electoral Officer chuan vailiamin he huna tarlan a nih danin \um danga la tih ngai loh kumin inthlan ah hian pianphunga rualbanloten vote an thlak ngei theihna turin sawrkar chuan \an a la nasa hle a, Vote thlak ni November ni 28 ah pianphunga rualbanloten vote an thlak theih nan an in a\anga Polling Station thlenga hruai thei tur leh vote an thlak zawha an In-a dah leh tur lirthei ruahman sak an ni dawn a. Wheelchair leh zakdawh tiang hmanga an luh theih nan Polling Station tinah leilawn (ramp) dah a ni bawk ang. Mitdel tan mitdel hawrawp Braille a ziak EPIC card siam turin hma lak mek a ni a, candidate an duh tak an vote theih nan EVM pawh dapa hriat mai theih turin chhut pawn a ni dawn a ni. Bengngawng leh \awngtheilo ten harsatna an tawh loh nan Polling Station-a official duty tur zawng zawng te chu Sign Language expert ten training an pe vek dawn a. Mitdel ten an serial number an hriat theih nan Braille hmanga ziak Dummy ballot sheet pek an ni dawn bawk a ni.

Popular posts from this blog

PAN CARD an tih teh fo hi - Laldinpuia