Mizoram leh Assam ramri chingfel turin MZP in chak zawka hmalak chhunzawm an rel

MZP Rorelna sang, MZP Assembly vawi 63-na chu Saitual-ah neih mek niin zanin thleng neih a ni dawn a. Nimin khan khawmpui Palai ten rorelna neiin ‘Mizoram leh Assam ramri chinfel a nih theih nan MZP-in hma a lak mek hi chak lehzual a chhunzawm a nih theih nan MZP-in hma la rawh se’ an ti.

Saitual-a MZP Assembly vawi 63-na neih mekah hian nimin chawhma lam khan khawmpui Palai ten rorelna neiin thu ngaihtuah tur zinga chhawpchuah 7 te chu pawm a ni a, heng zingah hian Mizoram leh Assam ramri chinfel a nih theih nan MZP-in hma a lak mek hi chak lehzual a chhunzawm a nih theih nan MZP-in hma la rawh se tih te, Mizoram ramri hrulah Police Force \hahnem zawk dah a nih theih nan hmalak ni rawh se tih te, Mizoram-a CCE kalpui mek hi ennawna siam\hat a nih theih nan hmalak ni rawh se tih te, Mizoram a Zirtirtu Awardee (State/National) kan neihte hi State danga ham\hatna an neih ang hi Mizoram sawrkarin a pek ve theih nan hmalak ni rawh se tih te, Mizo Zirlaiten \awng hman dik leh Lehkhabu chhiar tun aia kan uar lehzual theih nan hmalak ni rawh se tih te, All India Civil Service leh Central Service-ah Mizote \hahnem zawk kan tlin theih nan MZP-in nasa lehzualin hma la rawh se tih leh Mizo Zirlaiten kan hnam thuam uar lehzual a kan inbel theih nan hmalak ni rawh se tih te chu a tel a ni.

Chawhnu lama Vantlang inkhawm-ah MZP President, L. Ramdinliana Renthlei chuan Politics-ah hian Political party te chu hmanraw tam tak zinga pakhat chauh a ni tih sawiin, ‘Hei hi Mizote hian kan man thiamloh avangin Political party a lut te chauh hi Politics khelah kan ngai fo \hin a ni. Hei hi Mizote hian kan \hanmawh bawk a ni a, politics awmzia leh nihphung kan hriat loh vanga hma kan sawn theihlohna pakhat a ni. Mimal in emaw, pawl in emaw, sawrkar thutlukna emaw, sawrkar inrelbawl danah kan ngaihdan leh duhdan tilang thei tur a hmalakna kan neih hi Political participation a ni a. Vawiin-a Zirlaite hian politics hi kan ngaihven a hun tawh khawp mai. Kan ram leh hnam siam\ha tur hian theihtawp kan chhuah a ngai a ni. Mizo zirlaite kan ram leh hnam tan ke i pen zel ang u,” a ti bawk.

MZP Assembly-ah hian nizan hmasa khan Palai lawmna neiin Report hrang hrang ngaih-thlak a ni a, Vawiin hian Thupui sawina neih a nih dawn bakah chawhnu lamah Dr. C. Van-lalramsanga, Secretary, Planning Department in khuallian niin a hmanpui anga, MZP Chanchinbu Special Issue tlangzarhin hun hman a ni ang.

Vawiin chawhnu lamah |am Dil-ah Variety Programme hman a ni anga, intihhlimna hrang hrang neiin zanin hian Palai thlahna hun hman zui a ni ang. MZP Assembly-ah hian hmun hrang hrang a\angin Palai an kal \ha hle a ni.